Скачать или смотреть Duulkaa Yac Yacoodka Cuna Wax Uma Yeersheen "Gabay XArafka Y uu ka sameeyey Abwaan Cabdi Faadhigo"

Ciddaan Y ka gabyi karin ha u sheega, ninbaa sidaas oo kale yiri gabaygaan iyo su’aalaha ayaan u diray kamana soo jawaabin bal abwaankaani haka soo jawaabo hadduu garanayo.

Yaqaanow bal sheeg.

Markii aan yam iri aamuskoon, yoonki gabay joojay
Amaan yicis u kaalmayn shaqada, yeelaha uqaatay
La imood yabyabe baaqimoo, yaahdo kaashada e
Sinji lagu yaqaan baan firsaday, yoolka maansada e

Yaddana waan ku haystaa murtidii, yaababka lahayde
Yulkhad nimuu u baxay waa hayaan, wuxuu yahoomaaye
Yibta laba afleydaan ka dagay, yaace qaylada e
Yad yabaahur kugu liifay way, yuubi feeraha e

Yumbur foorar xumihii la mood, tuug yutuucsadaye
Yabarayn dabqaad lagu yulyuli, yoose bixintiiye
Yalka dhaxanta yaxoob kuudud baan, kaa yurayn abide
Yaxdadowga kuu ture abaal, yeelid waw faliye

Yoolaalid yuubnow cidlada, yalan-yalxoodkiiye
Yulugtii dudumo fiirsadaha, yoolki celin waayay
Yaqdho ugu laqima waa halyey, yaaq ka xoog badane
Kan yar iga yuree oo kan weyn, yibisha ee keena
U ekaa yaqiintaan arkaa, yaahi way yaga e

Sadaqadu yatiin ayan ku bixin, quudka yoowmiga e
Ood yaciista jiiftiyo ka qadin, yuufanaysyada e
Dambina adan ka yaabayn, dagaal yabaq colaadeede
Yaqaanow bal sheeg waa su’aal, yaablohoo adage

Yagleel reerki lagu soo yabyabay, kaalo yabareedka
Oo yucubka dhigihiyo rarada, lagu yukaynaayay
Haddii yuusufkii lahaa guboo, gaas ku yuluf siiyay
Yaqaanow bal sheeg waa su’aal, yaablohoo adage

Yaasiin madoonaha arladi, yaa’ kawada siiyay
Yuus iyo sharqamo waxaan lahayn, yoonka iyo guuxa
Oo ugu yaraan maalintii kuman, yamuudaaya
Yaqaanow bal sheeg waa su’aal, yaablohoo adage

Yey ay dawoco cayrsatoo, hilib ka yaahdaysay
Yac sagaaro oo aar biyihi, qaylo uga yaacin
Yaadadadiyo xoorkoo tartamay, qurux yabooheeda
Yaqaanow bal sheeg waa su’aal, yaablohoo adage