กระซิบรัก ล่องน่าน นันทบุรี ศิลปิน อ. ต๊อบ พัฒนะ

โคลงค่าวหัวเพลง กระซิบรัก โคลงค่าวจ๊อยจาก : อ.สมเจตน์ วิมลเกษม
...ดนตรี .........
กำ...ฮักน้อง....กูปี้จักเอาไว้ในน้ำ ก็กลัวหนาว
จักเอาไว้พื้นอากาศกลางหาว ก็กลั๋วหมอกเหมยซอนดาว ลงมาคะลุ้ม
จักเอาไปใส่ในวังข่วงคุ้ม ก็กลั๋วจ้าว ป๊ะใส่ แล้วลู่เอาไป
ก็เลยเอาไว้ในอ้กในใจ๋ ตัวจายปี้นี้ จักหื้อมันไห้...อะฮิ..อะฮี้...
ยามปี้นอนสะดุ้งตื่น เววา… เน้อ ...นาย...เหย..

(ประพันธ์โคลงค่าว ต่อ โดย อ.ต๊อบ พัฒนะ)
1/ หมอกเหมย ซอนดาว หนาวน้ำค้างพรม บานอยู่สู้ลม ชมพู ภูคา
ฝ่าดง ยอดดอย ไปสอยดอกฟ้า เสียบผมน้องหล้า งามล้ำ
ปั่นฝ้ายเส้นยาว สาวไหม หูกต๋ำ เป็นผ้าตาดคำ สไบ

2/ ห่มน้องแก้วต๋า ผ้าลายน้ำไหล ห่ม อุ่นถึงใน หัวใจ๋น้องหน้อย
ป้องปากฝากถาม คนงามดอกสร้อย ใจ๋น้องล่องลอย ตางใด
หรือลอย เมฆา เวหาหนไหน หรือจ้าว..เอาไป ข่วงคุ้ม

*3/ หรือเหมย หมอกฟ้า เมฆา คะลุ้ม ก็จักไปอุ้ม ใจ๋น้องคืนเวียง
มาเก็บในอก ปกป้องนอนเปียง มาอยู่กู้เคียง ใจ๋ปี้
หื้อหายฮ่ำไห้ อะฮิ..อะฮี้ ตื่นนอน บ่มี เว..วา

4/ ขับเพลงฮักน้อง กู่ก้องคงคา พายลอยธารา นาวาล่องน่าน
ฮักสุดชีวิต ขออธิษฐาน ฮักน้องเมินนาน เตี้ยง มั่น
เตวาอารักษ์ ฮักหอง เฮานั้น ตลอด นิรันดร์ บ่ มีวันคลาย... solo..ดนตรี ร้องต่อเข้า *3..4