خطة اللبنية اللي مافي زيها

خطة اللبنية اللي مافي زيها

المقادير: ( استخدمت كوب واحد لجميع المقادير)
١ كوب موية
٤ أكواب سكر
٤ أكواب حليب بودرة
١ كوب زيت دوار الشمس لايكون مكتمل للأخير
ملعقة صغيرة هيل مطحون
غطايتين ماء الورد ( اختياري)
فستق حلبي للتزيين
ورد للتزيين
الطريقة:
نجيب قدر نحط فيه السكر والموية ونولع عليهم على نار عالية ونقلب ب استمرار أول ماتغلي الشيرة من الأطراف نهدي النار لين تصفى الشيرة و ناخذ شوية من الشيرة في الاصابع واذا بدأت تلصق في بعض معناته حتكون كدا جاهزة نضيف بعد كدا الزيت على طول أول مايبدأ يغلي الزيت نقفل النار ونضيف الحليب والهيل وماء الورد ونقلب تقليب مستمر
نجيب صينية نحط فيها ورق زبدة ضروري ونحط اللبنية وهيا حارة ونوزعها على كامل الصينية ونرتبها ونزينها بالفستق والورد ونتركها تبرد في حرارة الغرفة نص ساعة وبعدين نحط كيس عليها ونقطعها عشان تطلع مرتبة وتقطيعها متساوي

وبالعافية وادعولي معاكم