Скачать или смотреть Mir Sobdar Saeed | Adbi Conference | Makhdoom Abdul Rehman Shaheed | Salana Ur 302

Mir Sobdar Saeed | Adbi Conference | Makhdoom Abdul Rehman Shaheed | Salana Ur 302

خيرپور ميرس جي تاريخي شهرا کهڙا تعلقه گمبٽ ۾ مخدوم صاحبن جو خاندان صدين کان آباد آهي ۔ هن خاندان جو سلسله نسب رسول اڪرم ﷺ جي چاچي حضرت عباس رضه سان ملي ٿو ۔ مخدوم صاحبن جو بزرگ سيدنا محمد ابراهيم رح سن 228 هجري رسول اڪرم ﷺ جي ارشاد موجب اسلامي تبليغ لاء سنڌ ۾ آيو ۽ سن 348 هجري ۾ چورن هٿان شهيد ٿيو ۔ مخدوم اسدالله گمبٽ لڳ پپري ۾ اچي پنهنجي وڏڙن جي پيروي ڪندي دين جي خدمت ڪئي ۔ مخدوم عبدالخالق اول پپير مان اچي کهڙا شهر ۾ سڪونت اختيار ڪئي ۽ سن 1062 هجري ۾ وفات ڪئي ۔ان بعد مخدوم محمد عاقل مسند تي رونق افروز ٿيو ۔ سندس وفات جي وفات 1092 هجري ۾ ٿي ۔ ان بعد سندس فرزند مخدوم محمد رح مسند نشين ٿيو ۽ سن 1122 هجري ۾ وفات ڪئي ۔ ان بعد مخدوم عبدالرحمان هاشمي جو دور شروع ٿئي ٿو پاڻ دين جي خدمت ڪندي ، غريب ۽ بي پهچ مسڪين ماڻهن جي مدد ڪندي ، وقت جي ظالم حڪمرانن سان مهاڏو اٽڪائي کين سامهون حق ۽ سچ جا ڪلما چوندي پنهنجي 222 ساٿين سان گڏ 1145 هجري ۾ شهادت جو جام پيتو ۔ ان بعد مختلف بزرگان گادي نشين ٿيا ۔ مخدوم شفيع محمد ۽ مخدوم نيڪ محمد پڻ دين اسلام جي خدمت ڪئي ۔ هميشه مسڪين ۽ اٻوجھ ماڻهن جا ڀرجهلا ٿيا ۔ هن وقت موجوده سجاده نشين مخدوم نديم احمد هاشمي پڻ پنهنجي وڏڙن جي نقش قدم هلندي مذهبي ، ادبي ، تعليمي , سماجي ۽ ٻين ڪيترن ئي ڪمن ۾ هميشه ڪوشان آهي۔ غريب ۽ مسڪين ماروئڙن لاء اڻ ڳڻيا ڪم ڪيل آهن ۽ هميشه بنا ڪنهن لالچ جي غريب ۽ مسڪين ماڻهن سان هر گهڙي هر پل ڏک سک ۾ گڏ گڏ هوندو آهي۔
وزير علي اڄڻ