Bu gün həyatı bir filmdən daha dramatik olan aktrisamızdan danışırq.
Biri var, ən böyük zrbələri doğmalarından görən, anası tərəfindən əzilən, atasının mövcudluğundan 6 yaşında xəbər tutan, oğlu narkotikin qurbanı olan Nəsibə Eldarova Eldarova...
Nəsibə Novruz qızı Eldarova 1959-cu ildə Bakının Bülbülə qəsəbəsində anadan olub.
Aktrisanın anası ilə atası rəsmi nikahda olmayıblar. Anası Nəsibəyə yeddi aylıq hamilə olanda atası evinə qayıdıb. Nəsibə dünyaya gələndən sonra onu on yeddi yaşına qədər nənəsi saxlayıb. Anası onu çox incitdiyindən Nəsibə erkən ailə həyatı qurub.
Özü müsahibələrinin birində qeyd edir ki, atasının olduğunu birinci sinifdə oxuyanda bilib. Müəllim ondan atasının adını soruşanda bildirib ki, atam yoxdur. Müəlliməsi də deyib ki, necə yəni yoxdur, heç olmasa, adı olmalıdır.
Nəsibə Eldarova Azərbaycan teatrının inkişafındakı xidmətlərinə görə 7 mart 2014-cü ildə Azərbaycan Respublikasının Əməkdar artisti fəxri adına layiq görülür.
"Yeni iş üsulu", "Kommersiya", "Qara Volqa", "Yuxu", "Bomba", "Kişiləri qoruyun", "Səhərə inan", "Döngələr", "Oğurlanmış arzular", "Məryəm", "İkinci güllə" adlı filmlərə çəkilib.
Nəsibə Eldarova iki dəfə ailə qurub. Onun birinci evliliyi Rus Dram Teatrının aktyoru Ömür Nağıyevlə olub.
Sinxron: 30:17 – 30:34 • Видео
Bu evlilikdən aktrisanın Rüfət adlı oğlu dünyaya gəlib.
Gənclər Teatrında çalışdığı müddətdə rejissor Hüseynağa Atakişiyev aktrisa Nəsibə Eldarova ilə sevgi məcərası yaşayır və daha sonra onunla ailə qurur. Bu evlilikdən Hüseynağa Atakişiyevin övladı olmur. Nəsibə Eldarova həmin günləri belə xatırlayır:
"Həyatımda uşaqlığımdan sonra yalnız Hüseynağa Atakişiyevlə olduğum 12 ili yaşadım. Onu mən uydurmamışdım, o, məni o qədər çox sevdi ki, axırda mən də sevdim. Çox çətin, imkansız yaşayırdıq, amma bir-birimizdən, həyatdan bezmirdik. Biz bəzən saatlarla susardıq, amma elə bil nə deyəcəyimizi, nə düşündüyümüzü duyurduq.
Sinxron: • Omrun fesilleri Nesibe Eldarova 19:34 – 19:50
Aktrisanın oğlu Rüfət narkotik istifadəçisi olub. Narkotik vasitələri və ya psixotrop maddələri satmaqda təqsirli bilinərək həbs olunaraq bir il məhkumluq həyatı yaşayan Rüfət 2013-cü ilin sentyabr ayında 29 yaşında ağır xəstəlikdən dünyasını dəyişib. Ancaq mətbuatda yayılan məlumatlara görə, Rüfət evdə yüksək dozada heroin qəbul edərkən vəfat edib.
Oğlunun ölümündən bir il sonra, 2013-cü ildə isə aktrisanın birinci həyat yoldaşı Ömür Nağıyev müalicə olunduğu Mərkəzi Neftçilər Xəstəxanasında vəfat edir. Rus Dram Teatrında işləyən Əməkdar artist üçün heç bir vida mərasimi təşkil olunmur.
Nəsibə Eldarova bir sıra seriallarda və komediya filmlərində də rola alıb:
Aktrisa müsahibələrinin birində oğlu haqqında deyir:
“Həyat yoldaşım Hüseynağa Atakişiyevin vəfatından sonra oğlumun itkisi ilə sarsıldım. Mən hələ də onun ölümünə inana bilmirəm. 3 ildir ki, dünyasını dəyişib, amma hələ ki, mən o 3 ildəyəm. Oğul itirmək böyük dərddir, Allah heç bir valideyni övlad itkisi ilə sınağa çəkməsin. Ümumiyyətlə, çox gözəl bir ailəmiz var idi, elə bil ki, bir tufan gəldi, hər şeyi vurdu, apardı. Arxaya qalan isə daş-qalaq oldu. Artıq təkliyə alışmışam”.
2014-cü ildə aktrisa ilə anası arasında ciddi problemlər yaranır. Belə ki, Nəsibə xanım doğma anası ilə münasibətlərinin pozulmasından sonra səkkiz il yaşadığı evi tərk etməyə məcbur olur. Bu barədə o, müsahibələrinin birində deyir:
“Anamla heç vaxt yaxın münasibətimiz olmayıb. İki dəfə qolumu çıxardıb. Oğluma sakitlik, dəstək lazım idi. Ona dəstək olmalıydım. Amma evdə çox pis vəziyyət yaranmışdı. Uşağıma yemək verə bilmirdim. İcazə vermirdi. Oğluma yemək verəndə deyinirdi ki, yetimçəni yedirdirsən, mənim hesabıma yeyib enlənirsiniz. Sakit yaşamağa imkan vermirdi, nalayiq sözlər işlədirdi. Bu gün mənə "qızım" deyən ana məni heç vaxt saxlamayıb. O, mənə valideyin gözü ilə baxa bilmir. Nə vaxtsa məni doğub atıb anasının üstünə və çıxıb gedib. Əlim pula çatanda yadına düşmüşəm. Hamı bilir ki, mən ondan nələr çəkmişəm. Oğlum da onun ucbatından dünyasını dəyişib. Oğlumu dəli edən o oldu.
Verilişi Nəsibə xanımın son söz əvəzi dediyi bu fikirlərlə başa çatdırırıq:
“Jurnalistlər çox vaxt mənim şəxsi həyatımla bağlı suallar verirlər. Şəxsi həyatım da zəngin hadisələrlə bağlı olduğuna görə mən bu barədə danışmaq istəmirəm. İnsan müəyyən yaş dövründə keçirdiyi stresslər, qazandığı təcrübələrdən yola çıxaraq elə bir məqama gəlib çatır ki, onda susmaq danışmaqdan daha dəyərli olur. Mən yalan danışa bilmirəm, həmişə sözün düzünü deyirəm. Əlbəttə ki, həyatda peşman olduğum məqamlar var. Ancaq mən səhvləri edə-edə doğruları anlamışam. Bütün bu mərhələlərdən keçməsəydim mən mən olmazdım. Həyatımda olan pis, yaxşı - hər şey mənimdir”.
Информация по комментариям в разработке