Скачать или смотреть Top Channel/ Libani kërkon armëpushim: Gati të çarmatosim Hezbollahun nëse ushtria...

Presidenti i Libanit, Joseph Aoun, ka bërë thirrje për një armëpushim të ri me Izraelin dhe ka deklaruar se shteti libanez është i gatshëm të çarmatosë organizatën Hezbollah, nëse ushtria e vendit merr mbështetjen e nevojshme ndërkombëtare. Gjatë një takimi virtual me Presidentin e Këshillit Europian Antonio Costa dhe Presidenten e Komisionit Europian Ursula von der Leyen, Aoun kërkoi vendosjen e një “armëpushimi të plotë” dhe ndalimin e të gjitha operacioneve izraelite kundër Hezbollahut. Sipas planit të tij, Libani kërkon mbështetje logjistike për Forcat e Armatosura Libaneze, të cilat më pas do të marrin përsipër çarmatimin e Hezbollahut dhe konfiskimin e armëve të organizatës. Aoun propozoi gjithashtu që paralelisht me këtë proces, Libani dhe Izraeli të nisin negociata të drejtpërdrejta nën ndërmjetësim ndërkombëtar, për të zbatuar kushtet e një marrëveshjeje armëpushimi. Presidenti libanez theksoi se më 2 mars, qeveria e Libanit ndaloi çdo veprim ushtarak të Hezbollahut, pasi grupi goditi Izraelin në shenjë hakmarrjeje për vdekjen e liderit suprem iranian Ali Khamenei. Ai e kritikoi ashpër këtë sulm, duke e cilësuar një përpjekje për të tërhequr Libanin në një luftë shkatërruese, që sipas tij rrezikon të sjellë rrëzimin e shtetit libanez dhe shkatërrimin e shumë fshatrave. Aoun theksoi gjithashtu se përshkallëzimi i konfliktit ka sjellë pasoja të rënda humanitare: më shumë se 600 mijë libanezë janë zhvendosur nga shtëpitë e tyre për shkak të përplasjeve dhe sulmeve ajrore. Ndërkohë, ushtria izraelite deklaron se që nga 2 marsi ka vrarë mbi 200 luftëtarë të Hezbollahut dhe ka shkatërruar dhjetëra objekte ushtarake, përfshirë qendra komanduese. Sipas të dhënave të fundit, Forcat Ajrore izraelite kanë kryer mbi 500 sulme ajrore në Liban, duke goditur gjithashtu edhe objektiva të lidhura me Iranin dhe Gardën Revolucionare Islamike në kuadër të operacionit ushtarak të quajtur “ULERIMA E LUANIT”.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Liban#Israel#TopChannelNews