HD رويان من قليبك يمة | فرقة الصحوة

للشاعر علاء الدين ابوسير غناء عبد الرحيم ارقى
ﺭﻭﻳﺎﻥ ﻣﻦ ﻗﻠﻴﺒﻚ ﻳﻤﻪ
ﺷﻮﻕ ﻭﺣﻨﺎﻥ ﻭﺭﻳﺪ..
ﻏﺮﻗﺎﻥ ﻓﻰ ﻋﻔﻮﻙ
ﻭﺍﻟﻠﻪ ﻣﻦ ﻣﺎﻗﻢ ﻭﻟﻴﺪ..
ﻳﻔﻀﻞ ﻓﻰ ﺍﻟﻘﻠﺐ ﺫﻛﺮﺍﻙ
ﻣﻬﻤﺎ ﺃﻛﻮﻥ ﺑﻌﻴﺪ..
ﻛﻞ ﻣﺎﺯﺍﺩ ﻋﻔﻮﻙ ﻋﻠﻰّ
ﺃﻗﻮﻝ ﻫﻞ ﻣﻦ ﻣﺰﻳﺪ..
ﻣﺎﺳﺎﻓﺮﺕ ﺃﺷﺎﻥ ﺇﺭﺗﺎﺡ
ﺃﻋﻴﺶ ﻫﺎﻧﻰ ﻭﺳﻌﻴﺪ..
ﻭﻻ ﻫﻢ ﺍﻟﻌﺮﺱ ﻳﺎﻳﻤﻪ
ﻛﺎﻥ ﺑﻴﺖ ﺍﻟﻘﺼﻴﺪ..
ﻻ ﺗﻘﻮﻟﻰ ﺇﻧﻮ ﻓﺎﺕ
ﺧﻼﻛﻰ ﺟﺎﻓﺎﻙ ﺍﻟﻮﻟﻴﺪ..
ﺷﺎﻏﻼﻩ ﺍﻟﻤﺪﺍﻳﻦ ﺍﻟﻌﺎﻳﻤﻪ
ﺁﺳﺮﺍﺗﻨﻮ ﻗﻴﺪ..
ﻣﺎ ﺑﺸﻐﻠﻨﻰ ﻋﻨﻚ ﺣﺎﺷﻪ
ﻻ ﻣﺎﻝ ﻻ ﻭﻟﻴﺪ..
ﻭﻻ ﺑﺘﻤﻨﻌﻨﻰ ﺷﻮﻓﺘﻚ
ﻳﻤﻪ ﺃﻏﻼﻝ ﺍﻟﺤﺪﻳﺪ..
ﻣﺎ ﻛﺎﻥ ﻗﺼﺪﻯ ﻫﺠﺮﻙ
ﻳﻤﻪ ﻟﻤﺎ ﺭﺣﻞ ﺑﻌﻴﺪ..
ﻗﺼﺪﻯ ﺍﻣﺴﺢ ﺩﻣﻮﻉ ﺑﺎﻟﺤﺴﺮﺓ
ﺟﺎﺭﻳﺔ ﻋﻠﻰ ﺍﻟﺨﺪﻳﺪ..
ﻻ ﺗﻠﻮﻣﻴﻨﻰ ﺇﻥ ﻗﺼﺮﺕ
ﺃﻭ ﺇﺗﺄﺧﺮ ﺑﺮﻳﺪ..
ﻣﺎ ﻫﻮ ﺟﻔﺎ ﺍﻟﺴﺒﺐ
ﻭﺍﻟﻠﻪ ﻣﺎ ﻧﺴﻴﺎﻥ ﺃﻛﻴﺪ..
ﺑﻴﻦ ﺍﺗﻨﻴﻦ ﻭﻟﻴﺪﻙ ﻳﻤﻪ
ﺑﺎﻟﻮ ﺻِﺒﺢ ﺷﺮﻳﺪ..
ﺑﻴﻦ ﻳﺮﺿﻴﻚ ﻭﺑﻴﻦ ﻳﺎ ﻭﺍﻟﺪﻩ
ﻳﺮﺿﻰ ﻃﻤﻮﺡ ﻋﻨﻴﺪ..
ﺭﺿﺎﻙ ﻳﺎﻳﻤﺎﻩ ﻛﻠﻮ
ﻣﻨﺎﻳﺎ ﻭﻏﺎﻳﺔ ﻣﺎ ﺃﺭﻳﺪ..
ﺗﺤﻘﻴﻖ ﺍﻟﻬﺪﻑ ﻣﺎ
ﺑﺒﻘﻰ ﺑﺎﻟﺘﻤﻦ ﺍﻟﺰﻫﻴﺪ..
ﻳﻮﻣﻲ ﻗﻠﻴﺒﻰ ﻓﻰ ﺫﻛﺮﺍﻙِ
ﻳﺠﺘﺮﻯ ﻭﻳﻌﻴﺪ..
ﻃﻴﻔﻚ ﻣﺎ ﺑﺒﺎﺭﺡ ﻟﺤﻈﺔ
ﺣﺎﻣﻴﻨﻰ ﺍﻟﻐﻤﻴﺪ..
ﺍﻟﻠﻪ ﺑﺮﺍﻫﻮ ﻋﺎﻟﻢ ﻳﻤﻪ
ﻣﺸﻐﻮﻝ ﺑﻴﻚ ﺷﺪﻳﺪ..
ﻭﻣﻨﺎﻳﺎ ﺟﻨﺒﻚ ﺃﻋﻴﺶ ﻭﺍﻟﻠﻪ
ﻟﻮ ﻛﺎﻥ ﻟﻴﺎ ﺇﻳﺪ..
ﻻﺯﻡ ﻳﻤﻪ ﺃﻧﺴﻴﻚ ﺍﻟﺸﺠﻦ
ﻭﺍﻟﻠﻮﻋﺔ ﻭﺍﻟﻔﺮﺡ ﺍﻟﻮﺋﻴﺪ.
ﻻﺯﻡ ﺗﻨﺴﻲ ﺯﻣﻨﺎً ﻓﺎﺕ
ﻭﺗﻌﻴﺸﻰ ﺯﻣﻦ ﻭﻟِﻴﺪ..
ﻻﺯﻡ ﻛﻞ ﺗﻌﺒﻚ ﻓﻴﻨﻰ
ﺍﺗﻌﺒﻮ ﻓﻴﻚ ﻭﺃﺯﻳﺪ..
ﻭﻻﺯﻡ ﺍﺷﻴﻼ ﻫﻤﻮﻣﻚ
ﻭﺃﻟﺒﺴﻚ ﺍﻟﺠﺪﻳﺪ..
ﺩﻳﻨﻚ ﻓﻮﻗﻰ ﻣﺎ ﺑﺘﺤﻸ
ﻻ ﻳﻮﻡ ﺍﻟﻮﻋﻴﺪ..
ﺷﺒﺎﺑﻰ ﻓِﺪﺍﻛﻰ ﻭﻛﺎﻥ
ﻣﺎ ﻛﻔﻰ ﻟﻴﻚ ﻋﻤﺮﻯ ﺍﻟﻮﺣﻴﺪ..
ﻣﺎ ﺑﺘﻠﻬﻴﻨﻰ ﻋﻨﻚ ﺩﻧﻴﺎ
ﻭﻣﺎ ﺑﻤﺴﻜﻨﻲ ﻗﻴﺪ..
ﻣﺎ ﺇﻧﺘﻲ ﺍﻟﻔﺮﺡ ﻭﺍﻟﺮﺍﺣﻪ
ﻭﺍﻟﻬﻮﻯ ﻭﺍﻟﺮﺻﻴﺪ..
ﻟﻴﻜﻲ ﺳﻼﻣﻲ ﻣﺎﻣﺤﺪﻭﺩ
ﻣﻦ ﺍﻷﺭﻗﺎﻡ ﻳﺰﻳﺪ..
ﻋﺪﺩ ﺫﺭﺍﺕ ﺗﺮﺍﺏ ﺍﻟﻜﻮﻥ
ﺟﺒﺎﻝ ﻭﺳﻬﻮﻝ ﻭﺑﻴﺪ..
ﻋﺪﺩ ﻣﺎ ﺃﺷﺮﻗﺖ ﺃﻧﻮﺍﺭ
ﻭﻃﻞ ﺻﺒﺎﺡ ﺟﺪﻳﺪ..
ﻭﻋﺪﺩ ﻣﺎﻧﺴﻤﻪ ﻫﺒﺖ
ﺑﺎﺭﺩﻱ ﺩﺍﻋﺒﺖ ﺍﻟﺠﺮﻳﺪ..
ﻛﻠﻮ ﻣﻨﺎﻳﺎ ﺗﻠﻘﻲ ﺍﻟﻌﺎﻓﻴﻪ
ﻭﺍﻟﻌﻤﺮ ﺍﻟﻤﺪﻳﺪ..
ﺗﻔﺮﺣﻲ ﺑﻴﺄ ﻳﻮﻡ ﺍﻟﻔﺎﻝ
ﺗﺒﺎﺭﻛﻴﻠﻲ ﺍﻟﺠﺪﻳﺪ..
ﻳﻮﻡ ﺩﺍﻙ ﺑﺎﻟﻔﺮﺡ
ﻧﺘﺒﺎﻛﻰ ﻭﻧﺘﻘﺎﻝ ﺷﺪﻳﺪ..
ﻭﺗﺒﻘﻰ ﺍﻟﺪﻧﻴﺎ ﺑﺴﻤﺖ ﻟﻲ
ﻭﺟﺎﺕ ﺯﻱ ﻣﺎ ﺃﺭﻳﺪ..
ﺟﺎﻳﻴﻚ ﺟﺎﻳﻲ ﻟﻲ
ﻋﻴﻨﻴﻚ ﻣﻨﻬﺎ ﻣﺎ ﺃﺣﻴﺪ..
ﻭﻣﻨﻬﺎ ﻧﺴﺘﻤﺪ ﺍﻟﺮﺍﺣﻪ
ﻭﻣﻨﻬﺎ ﻧﺴﺘﻔﻴﺪ..
ﻭﻳﺘﻤﺪﺩ ﻓﺮﺣﻨﺎ ﻭﻳﺒﻘﻰ
ﻋﻤﺮﻱ ﺃﻧﺎ ﻛﻠﻮ ﻋﻴﺪ..
ﻭﻓﻲ ﺣﻀﻨﻚ ﺃﻛﻴﺪ ﻟﻠﺪﻧﻴﺎ
ﻟﻮﻥ ﻭﻃﻌﻢ ﺟﺪﻳﺪ