Qozog‘istonda Shavkat Mirziyoyev tashabbusi bilan qurdirilayotgan masjid.Maxsus reportaj tayyorladik

Qozog'iston janubidagi Turkiston shahri. Avvalroq men Ahmad Yasavviy maqabarasini ziyorat qilib, bu haqda ko'rsatuv tayyorlagan edim. Ushbu go'zal shaharga qilgan safarim davomida o'ziga xos qurilayotgan masjidga duch keldim.
Turkiston shahriga kiraverishda O‘zbekiston Respublikasi Prezidenti Shavkat Mirziyoyev tashabbusi bilan noyob masjid qurilmoqda ekan. Bunday diqqatga sazovor maskanning qurilishi davlatimiz rahbarining Turkistonliklarga o‘ziga xos tuhfasi deb qabul qilinmoqda.
Afsuski biz ichkariga kirganimizda suratga olishimizni xushlashmadi. Bitgach press-tur tashkil qilamiz deydi mas'ul xodimlardan biri. hattoki mahalliy tvga ham ruhsat berilmaganini aytib o'tishdi.
Biz u yerdan chiqib baribir masjidning to'liq ko'rinishlarini suratga olish va siz aziz tomoshabinlarga ko'rsatish maqsadida dron moslamasidan foydalandik.
Diqqat qiling: O'zbekiston Prezidenti Shavkat Mirziyoyev tomonidan Qozog'istonda qurilayotgan masjidning ekslyuziv kadrlari.
Qayd etish kerak, Masjid Arxitekturasi o‘ziga xos. Toshkentdagi minor masjidi kabi oq rangda. O'zbek tarixiy binolari uslubida amalga oshirilayotganining guvohi bo'ldik.
Quruvchilarning bizga aytishicha, Masjid poydevorini mustahkamlash uchun uning o‘ziga xos texnologiyasi ishlab chiqilgan.
Turkistonda bunyod etilayotgan yangi masjid 5 ming kishiga mo‘ljallangan. Islom markazining umumiy maydoni 20 000 kvadrat metrni tashkil qiladi.
Turkiston shahrining maʼmuriy va ishbilarmonlik markazida 5, 7, 9, 12 va 20 qavatli 60 ta turar-joy binolari qurilgan. Ma’muriy binoga ega 20 qavatli turar joy binosi qurilishi ham davom etmoqda. Masjid aynan ana shu uylarda yashovchi xalqqa xizmat qilishi ko'zda tutilgan.
Qozog‘istonda O‘zbekiston Prezidenti tashabbusi bilan barpo etilayotgan ikki xalq o‘rtasidagi do‘stlik va hamkorlik ramziga aylanib bormoqda. Bu meʼmoriy durdona oʻzida iymon va fidoyilik ruhini mujassamlashtiribgina qolmay, tinchlik va hamjihatlikka intilishning dalilidir.
Ma’naviy barkamollik cho‘qqilariga intilayotgandek mahobatli gumbazlar, nafis minoralar...
Masjid ma’naviy birlik va hamjihatlik markaziga, turli madaniyat va an’analar o‘rtasidagi ko‘prikga aylanadi.
Ushbu ajoyib maskan shaharning me'moriy landshaftini bezatibgina qolmay, balki uni ma'naviy quvvat va uyg'unlik bilan to'ldiradi. U tinchlik, bag‘rikenglik va hamjihatlikka chaqiradi.
Masjid qurilayotganidan ayniqsa mahalliy o'zbeklar juda ham xursand. Ular ham prezidentimiz Shavkat Mirziyoyevga tashakkurlar izhor qilishmoqda.
Shunday qilib biz ham yo'limizda davom etdik. Oldinda yangi sarguzashtlar. Bu haqida keyingi videoda hikoya qilamiz. Videoni ko‘proq odam ko‘rishi uchun layk tugmasini bosishni va kanalga obuna bo‘lishni unutmang