"IT sohasida ishlagan ayollar beli og‘rimasdan pul topishadi"

«Fond bozorining axborot-resurs markazi» Davlat unitar korxonasida 1-toifali ma'lumotlar bazasi administratori Shaxzodaxon ATAXANOVA.

“Doim o‘z ustingizda ishlamasangiz sizdan zo‘ri chiqadi” degan tamoyilga amal qiladigan Shaxzoda har oy o‘zining sohasida yangi bilimlarni olishga harakat qiladi. U bugunga qadar Oracle Database, Huawei'ning Seeds for the Future, Game Dev, Data Analysis kabi 10 dan ortiq Xalqaro kurslarni tamomlab, sertifikat olgan. Buni doimiy ravishda yuqori pog‘onalarga ko‘tarilish uchun juda yaxshi imkoniyat deb hisoblaydi.

Xalqaro sertifikat xarajatlarining Davlat tomonidan qoplab berilishi esa Shaxzodaxon singari yoshlarni yanada qo'llab-quvvatlaydi.

Bularning natijasida Shaxzodaga har oy kamida bir marta Linkedin ijtimoiy tarmog‘i orqali xalqaro kompaniyalardan ish taklifi kelib tushadi.