Скачать или смотреть Allah Her Cheez Pa Qadir Hai Wazifa Hakeem Tariq Mehmood

اللہ ہرچیزپہ قادرہے
میرے بندے جب توکہتاہے کہ ان اللہ علی کل شی ءِ قدیرمولاتوہرچیزپرقادرہے توکرسکتاہے تواللہ ساتھ ہوجاتاہے۔ جب بندہ اللہ کوساتھ لیتاہے بولوں میں، لفظوں میں، نیتوں میں، اپنی کیفیتوں میں، اپنی دعاؤں میں، اپنے الفاظ میں، ایک پل میں رب اپنی رحمت کے ساتھ ہوجاتاہے۔ میرا اللہ میرے ساتھ ہوجاتاہے۔ تونے انسانوں کو پکارا کسی نے جواب نہیں دیا، کسی نے تیری بات پرتوجہ نہ دی ۔ تونے مجھے پکارا اورمیں بھی تجھ پرتوجہ نہ کروں تومجھ میں اورانسانوں میں کیافرق ہے۔
یہ میرا رب ہے اوریہ ہرچیزپرقادرہے اورقدرت رکھتا ہے۔ پھراللہ کو ایک اوربات کہا کریں۔اللہ کو اللہ کاریفرنس دیاکریں۔ مولاتیرے حبیب ﷺ کی حدیث قدسی ہے۔ تونے خودہی توفرمایاہے میرے بندوں میرے ساتھ جیسے گمان کروں گے میں تمہارے ساتھ ویسا ہی معاملہ کروں گا۔ اللہ میں نے تیرے ساتھ گمان کرلیاکہ میرے پاس گھرنہیں گھردے دے۔ توہرچیزپہ قادرہے۔ اللہ میرے پاس رزق نہیں تورزق دے دے۔ اللہ توہرچیزپہ قادرہے ان اللہ علی کل شی ءِ قدیر۔ اوراللہ میرے پاس روٹی نہیں روٹی دے دے۔ اللہ میرے پاس کاروبار نہیں کاروبار دے دے۔
اللہ میرے پاس بیٹا نہیں ، بیٹادے دے۔ اللہ میرے پاس سکھ نہیں، سکھ دے دے۔ اللہ میری بیٹی کی شادی ہوجائے اس کے لیے سکھ سکون کاسامان۔ توہرچیزپہ قادرہے۔ مولاتوچاہتاہے وہ ہوجاتاہے ۔ سارے دن چلتے چلتے یہ بول بولتے رہیں اوراللہ سے باتیں بھی کرتے رہیں اوراپنا کاروبارزندگی بھی چلاتے رہیں۔ آپ کابزنس ، کاروبارہے، صنعت زراعت ہے۔ آپ کاکوئی بھی کام ہے، یہ بھی ساتھ چلتارہے اوراللہ سے باتیں بھی چلتی رہیں۔