Скачать или смотреть Rrugëve të Fshatit Nerasht ❤️

Nerashti është një fshat i vendosur në fushën e Pollogut, rreth 18 km larg Tetovës, me një popullsi prej rreth 8,000 banorësh. Emri i tij rrjedh nga fjala ilire “Narest”, një antroponim ilir, i cili më vonë u përthye në “Nerast”. Ky fshat përfaqëson një vendbanim shumë të vjetër në Pollog, i përmendur që në dokumentet turke të vitit 1468, ku figurojnë 32 familje. Sipas hulumtimeve në terren, lagjja më e vjetër e Nerashtit është Shukerja, me të parët e saj, familjen Zymer, të cilët dëshmohen edhe nga kisha e vjetër e të parëve. Në lindje të lagjes Shukere, në kodrinë, kanë qenë këmbana dhe varrezat; sot nuk ka mbetur gjurmë nga kisha, por gjatë gërmimeve të vitit 1999 u gjetën shumë varre.

Një lagje tjetër e njohur është Jazgjija, ndërsa një nga familjet më të vjetra të fshatit, sipas burimeve shkencore, është familja Lala, që jeton në lagjen Miftare. Në juglindje të Nerashtit, në zonën malore të quajtur Draga, ka ekzistuar dikur një vendbanim me emrin “Kala e Nicës” (Sobri), ndërsa në zonën fushore të quajtur Sllogçan ka ekzistuar një fshat me të njëjtin emër (Zllokuçani). Për shkaqet e zhdukjes dhe lëvizjes së popullsisë në këto vendbanime të lashta nuk ka shumë informacion, por në terren janë gjetur gjurmë si tulla dhe gypa, që dëshmojnë për ekzistencën e tyre.

Nerashti ka një pozitë gjeografike specifike. Ai gjendet mes tre përojeve të bukura: përoja e Lalës që kalon në mes të fshatit, Projt e gjërë në lindje dhe Gabërneca në perëndim. Ky vendbanim kombinon historinë e lashtë me bukurinë natyrore të Malit Sharr, duke e bërë një fshat unik dhe tërheqës.

Për mërgimtarët që jetojnë larg, Nerashti mbetet gjithmonë vendlindja e dashur. Rrugët, shtëpitë dhe kodrat e tij presin kthimin tuaj, për të ndarë përsëri gëzimet, kujtimet dhe traditat me komunitetin që ju pret me zemër të ngrohtë. Zemra e Nerashtit gjithmonë ju thërret: kthehuni, fshati juaj ka nevojë për ju.#edielamene #ermiraselami