Скачать или смотреть ချင်းပြည် ဖလမ်းတိုက်ပွဲ ဘယ်လောက်ပြင်းထန်နေလဲ

“ ဒီစစ်ကြောင်းက သုံးသပ် ရမယ်ဆိုရင်တော့ နောက်ဆုံးအကြိမ်လည်း ဖြစ်နိုင်တယ်။
ဒီစစ်ကြောင်းကို ကျနော်တို့ဘက်က ဖြိုနိုင်ခဲ့မယ် ဆိုရင်တော့ နောက်ထပ် တက်နိုင်ဖို့က မလွယ်တော့ဘူး “

ချင်းပြည်ရဲ့ ဒုတိယအကြီးဆုံးမြို့ဖြစ်တဲ့ ဖလမ်းမြို့ကို ပြန်လည် သိမ်းပိုက်ထိန်းချုပ်နိုင်ရေး အာဏာသိမ်း စစ်အုပ်စုက အင်အားထောင်နဲ့ချီ အသုံးပြုကာ စစ်ကြောင်းထိုးလို့ စစ်အုပ်စုနဲ့ ချင်းတော်လှန်ရေး တပ်တွေ လေးလကျော်ကြာ တိုက်ပွဲ အပြင်းအထန် ဖြစ်ပွားနေပါတယ်။

ချင်းပြည်မြောက်ပိုင်း ဖလမ်းမြို့ကို ၂၀၂၅ ဧပြီလမှာ ချင်းတော်လှန်ရေးတပ်တွေက တိုက်ခိုက် သိမ်းပိုက်ခဲ့ပြီး စစ်အုပ်စုက မြို့ ပြန်ရရေး ၂၀၂၅ အောက်တိုဘာမှာ တန်ပြန် ထိုးစစ်ဆင်တာ ဖြစ်ပါတယ်။

စစ်အုပ်စုဟာ ဖလမ်းမြို့ ပြန်ရရေးနဲ့ ကလေး-ဖလမ်း လမ်းကြောင်းကို စိုးမိုးနိုင်ရေးအတွက် တပ်မ ၇၇ ခေါ် အမှတ် ၇၇ ခြေမြန်တပ်မဌာနချုပ် လက်အောက်ခံ တပ်ရင်းတွေက ထုတ်နုတ်စုဖွဲ့ထားတဲ့ တပ်ရင်း ကိုးရင်း၊ အင်အား ထောင်နဲ့ချီ အသုံးပြုကာ ဖလမ်းမြို့ဆီ ဦးတည် ထိုးစစ်ဆင်နေတာ ဖြစ်တယ်လို့ ချင်းလဲန်အစိုးရတပ်ဖွဲ့ (Chinland Ministry of Defense) က ထုတ်ပြန်ထားပါတယ်။

ဖလမ်းမြို့ဆီ ဦးတည်လာတဲ့ စစ်အုပ်စု စစ်ကြောင်းတွေကို ချင်းတော်လှန်ရေးတပ်တွေက စောင့်ကြို တိုက်ခိုက်ရာ အရာရှိအဆင့်တွေ အပါအဝင် စစ်အုပ်စု ရာနဲ့ချီ သေဆုံးပြီး လက်နက်ခဲယမ်း အများအပြား သိမ်းဆည်း ရရှိထားတယ်လို့ ချင်းလဲန်အစိုးရတပ်ဖွဲ့ (Chinland Ministry of Defense)၊ သတင်းနှင့်ပြန်ကြားရေး တာဝန်ခံ Nai John Kim က ပြောပါတယ်။

ဖလမ်းတိုက်ပွဲမှာ ချင်းတော်လှန်ရေးတပ်တွေ ပူးပေါင်းစုဖွဲ့ကာ ခုခံ တိုက်ခိုက်နေတာ ဖြစ်ပြီး ချင်းအမျိုးသားတပ်မတော်/ချင်းအမျိုးသားတပ်ဦး- CNA/CNF ဦးဆောင်တဲ့ တော်လှန်ရေးတပ်တွေနဲ့ ချင်းညီနောင် - Chin Brotherhood ဦးဆောင်တဲ့ တပ်တွေလည်း ပူးပေါင်း ပါဝင် တိုက်ခိုက်နေတယ်လို့ ဆိုပါတယ်။

MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ ဝက်ဘ်ဆိုက်မှာလည်း ကြည့်နိုင်ပါတယ်။
#Mandalay_Free_Press_MFP
#အညာ #စစ်ကိုင်း #မန္တလေး #မကွေး
#ချင်း #ဖလမ်း #ကလေး #CNF #ချင်းညီနောင်

(Mandalay Free Press – MFP သည် လွတ်လပ်၍ အမှီအခို ကင်းသော သတင်းဌာနဖြစ်ပြီး မန္တလေးနှင့် စစ်ကိုင်းတိုင်း သတင်းများကို အထူးပြုတင်ဆက်လျှက် ရှိပါသည်။)

Mandalay Free Press – MFP မှ တင်ဆက်သောသတင်းများကို ဖတ်ရှုနိုင်ရန် အောက်ဖော်ပြပါ Channel များကို Follow (သို့မဟုတ်) Subscribe လုပ်ထားနိုင်ပါသည်။

Facebook:   / mandalayfreepress  
YouTube:    / @mandalayfreepressmfp  

#MFP #MandalayFreePress #မန္တလေး #တော်လှန်သော #သပိတ် #မိခင်