Скачать или смотреть TISOPI LEI

TISOPI LEI PEIHFEL ṬEP TAWH

Vawiin ni 21st February 2026 khan Tisopi Billey Bridge Siaha District lei dawh mek chu a hmun ah kan tlawh.

He lei hi PWD Siaha Division te enkawlna hnuaia awm niin Essen Fabricators Kolkata ten lei siam hna hi an thawk a ni.

He lei hi ni 09 February 2026 aṭangin dawh ṭan a ni a, ni 23 February 2026 ah zawh beisei a ni. A sei zawng hi 51.8 meter (170 Feet) a ni, a zau zawng hi 10 Mt a ni. A rih zawng hi 123 ton a ni. Thil rit phur theih zat hi 40 ton phurh theih tura ruahman a ni.

Vawiin khan Pu J. Khotha SDO Siaha PWD Division te nen kan enho a, an department hian uluk takin an vil mek a ni.

Tin, vawiin vek khan Pu HC. Lalmasawma Zasai bialtu Amotla leh VC-Amotlah, Thiahra, Tipi Ferry & Riasika leh MTP Sub Headquarters Amotlah ten hun rei tak atanga lei ṭha an neih loh hnuah Mizoram sawrkar in lei ṭha tak a dawh sak puitlin theih tur a ni ta chu an lawm hle a, helai hmun ah lawmthusawi ṭawngtaina an lo hmang ve bawk.

He lei dawh puitlin theih nan hian VoM chuan theihtawp a lo chhuah ve tawh a, ni 23 November 2024 khan foundation tur chauh ruahman a ni. Mizoram Legislative Assembly neih zawh tak a- Starred Question for Second Session: February - March, 2024. Bialtu MLA Dr. K. Beichhua zawhna; Siaha to Tipi Ferry inkara Tisopi lui chung ah lei dawh tumna a awm em? Awm ta se funding source, amount ruahman zat leh contractor tu nge? tiin zawhna a lut a ni.

PWD Minister Chhanna chu hetiang hi a ni. [Siaha to Tisopi Ferry inkara Tisopi lui chungah lei dawh tumna a awm a, tun dinhmun ah chuan RCC Abutment (Phase-1) chauh khawih tura ruahman rih a ni. He lei dawh tum hi a funding source chu SASCI 2023-2024 a ni. Hna hming: Construction of Thiahra to Tuipui with Bridge over R.Tuisumpui (Phase-I) under SASCI 2023-24. Agreement Amount: Rs. 288.46 lakh]

Hetiang hi kan dinhmun a nih avangin Mizoram sawrkar hnenah kan page kal tlangin theihtawp kan chhuah a, kan Chief Minister leh Minister dangte pawh tunlai thil awmzia hre pha leh ram tana ke pen duh tak tak an nih avangin Sawrkar official te leh political level ah te an indawr bawk nen tunvah chuan a hlawhtlinna hmel kan hmu ta hi a lawmawm kan ti tak zet a ni.

Ni 05-November 2025 khan Pu Lalduhoma Chief Minister a rawn thleng a, Siaha Vaihpi Traffic point ah he hna hi thawh chhunzawm a nih tur thu a puang a ni kha.!

#highlight
#Tisopi
#vanlalhlana
#PWDSiaha