თოლო – ანესთეზია

სიმღერა შექმნილია ხელოვნური ინტელექტის (www.suno.com) დახმარებით, ორიგინალი ტექსტისა და ჩემ მიერ მითითებული ინსტრუქციების მიხედვით.

ჟანრი: Gothic Rock
ტექსტი:
[Verse]
ხანდახან ვფიქრობ, რომ მესმის შენი,
და მე მაშინებს ნდობის სიმძიმე,
ნდობის, რომელსაც შენ მე მიცხადებ,
რომ გიდარაჯო, როცა იძინებ.
ხანდახან როცა შენ ხუჭავ თვალებს,
ძვლებში დამივლის უცხო სიცივე,
როცა მე ეჭვით გპირდები სიზმრებს
და გაღვიძებას, შენ კი იძინებ..
[Chorus]
შედი გაცურე შავთეთრ მორევში,
მე ვუდარაჯებ შენს ყველა აფრას,
შენ ვერაფერს გრძნობ, ხელიც გამიშვი,
და შენს მაგივრად მე მტკივა ახლა!
მიდი გაფრინდი უსასრულ ცაში,
ყველაფერზე და ყველაზე მაღლა,
შენ ვერაფერს გრძნობ, მე ხელს არ გიშვებ,
და შენთან ერთად მეც ვკვდები ახლა!
[Verse]
ხანდახან როცა თენდება დილა
მე მახსენდება ყველა სახელი,
ყველა ჩამქრალი იმედის სხივი,
და მოლოდინი თვალის გახელის.
ხანდახან როცა ბინდდება ღამე
და ჩადგებიან შლეგი ქარები
ვხედავ ჩემს საწოლს სულ დარაჯობენ
ვერგახელილი შენი თვალები.
[Chorus]
შედი გაცურე შავთეთრ მორევში,
მე ვუდარაჯებ შენს ყველა აფრას,
შენ ვერაფერს გრძნობ, ხელიც გამიშვი,
და შენს მაგივრად მე მტკივა ახლა!
მიდი გაფრინდი უსასრულ ცაში,
ყველაფერზე და ყველაზე მაღლა,
შენ ვერაფერს გრძნობ, მე ხელს არ გიშვებ,
და შენთან ერთად მეც ვკვდები ახლა!
[verse]
შენ იძირები უძირო ზღვაში,
და შენმა გულმაც შეწყვიტა ფეთქვა,
და ვეღარ ამჩნევ, რომ მეტყობა ხმაში,
ცოტა ხნის წინ რომ ცოცხალი მერქვა.
მე დავიტოვებ ყველა ტკივილებს,
შენ ვერაფერს გრძნობ, მიდიხარ მაღლა.
და მერამდენედ, ეს მერამდენედ,
მე შენთან ერთად მოვკვდები ახლა.
----------------
06.09.2024 წ
––––––