Скачать или смотреть பவானி ஆற்றில் உற்சாக குளியல் போடும் நீர்க்காகங்கள் | Cormorant in Bhavani Dam

பவானிசாகர் அணை முன்புள்ள பவானி ஆற்றில் நீர்க்காகங்கள் கூட்டம் கூட்டமாக உற்சாக குளியல் போடும் காட்சி காண்போர் கண்களுக்கு விருந்தாக அமைந்துள்ளது. ஈரோடு மாவட்டத்தின் முக்கிய நீராதாரமாக விளங்கும் பவானிசாகர் அணையில் தற்போது நீர்மட்டம் 96 அடியாக உள்ளதால் கடந்த ஆகஸ்ட் மாதம் அணையிலிருந்து பவானி ஆறு மற்றும் கீழ்பவானி வாய்க்காலில் பாசனத்திற்கு தண்ணீர் திறக்கப்பட்டுள்ளது. பவானி ஆற்றில் அதிகபட்சமாக விநாடிக்கு 1350 கனஅடி வரை தண்ணீர் திறக்கப்பட்டுள்ளதால் அணையின் முன்புள்ள பவானி ஆற்றில் வௌ;ளம் பெருக்கெடுத்து ஓடுகிறது. இந்நிலையில் கடந்த சில நாட்களாக அணை முன்பு பவானி ஆற்றில் நீர்க்காகங்கள் கூட்டம் கூட்டமாக முகாமிட்டுள்ளன. இந்த நீர்க்காகங்கள் நீரின் மீது பறந்தபடி சென்று நீரில் நீந்தி மூழ்கி இரை தேடும் காட்சி மிகவும் அழகாக உள்ளது. பொதுவாக நீர்காகங்கள் நீரில் உள்ள புழு, பூச்சிகள் மற்றும் மீன்குஞ்சுகளை பிடித்து உணவாக உட்கொள்ளும் வழக்கம் உடைய பறவைகளாகும். கடந்த சில நாட்களாக இங்கு முகாமிட்டுள்ள நீர்க்காகங்களை பவானிசாகர் அணைப்பூங்காவிற்கு வரும் சுற்றுலாப்பயணிகள் பார்த்து ரசிக்கின்றனர். நீண்ட நேரம் நீரில் நீந்தும் காகங்கள் அவ்வப்போது ஆற்றின் நடுவே உள்ள பாறைகள் மற்றும் அணை முன்புள்ள சிமெண்ட் கற்களின் மீது அமர்ந்து ஓய்வெடுக்கின்றன. நீர்க்காகங்கள் இப்பகுதியில் முகாமிட்டுள்ளதை தினமும் பார்த்து ரசிப்பதாக அணை முன்புள்ள புங்கார் மற்றும் அண்ணாநகர் பகுதியை சேர்ந்த பொதுமக்கள் தெரிவித்தனர்.

des : The Bhavani Sagar Dam was formerly a water bath in the Bhavani River