［資產管理］家族辦公室是什麼？（二）| 家族辦公室有什麼優勢？| 家族辦公室和私人銀行有什麽分別？

#家族辦公室
#資産管理
#家族辦公室好處

上一集同大家講咗乜嘢係而家族辦公室，今次我哋就會講下到底家族辦公室有啲咩優勢，仲有同私人銀行有啲咩分別？

家族辦公室之所以甘受富裕家族嘅喜愛，因為佢有不少好處呀！

1）財務及稅務上的優勢
由於家族辦公室將家族的資產集中在一起，資金夠龐大，所以投資選擇比一般人更多，而且在利潤和營運成本上也更有效益。簡單舉個例子，例如攞十萬做定期，對比攞500萬去做定期，一定係500萬嘅定期利息會高啲，因為金額較大，所以一定係將資金集中起黎去投資比較有利。而且一啲高淨值嘅客户，例如私人銀行比起普通銀行戶口，借錢利息都係低啲，呢啲就係喺財務上嘅好處。
另外就是稅務方面的優勢，由於歐美地方稅率比較高，有些家族辦公室會設立在一些低稅率的地區（例如香港或新加坡），讓家族資產的投資收益可以取得免稅或低稅率的優惠。
仲有喺稅務上嘅優勢就係喺財富承傳方面，唔少地方嘅遺產稅都好高，例如英國的遺產稅率高達40%，而基本免稅額（Nil Rate Band）並不高，只有32.5萬英鎊。所以如果透過成立離岸信託，將資產同個人分割，就可以更加完善去做遺產規劃。

2） 方便管理
家族辦公室可以幫你集中管理資產，相信好多人都唔止一個銀行戶口，而對於一啲高淨值嘅人嚟講都係一樣，户口唔止一個，資產都唔止一種，除咗户口嘅現金，可能亦有股票，債券，基金等等，另外亦有可能會持有唔同嘅物業，亦都可能有唔同嘅收藏品，那麼如果沒有集中管理的話就要自己聯繫唔同嘅銀行職員去管理户口，另外又要自己去管理一啲投資産品或者搵其他經紀去管理，物業又要自己聯繫地產公司agent等等。變咗要一個人聯繫好多唔同嘅人，其實都可以好煩瑣，除咗煩瑣之外，有一樣更重要的是集中管理能夠真正了解自己嘅財務狀況，有啲人自己真正有幾多錢都唔係好了解。有啲人可能呢個銀行有少少錢，嗰個銀行有啲錢，第三個銀行又有啲股票，到最尾根本自己有幾多錢其實都未必好了解，所以喺呢啲情況，就算你用緊嘅一間銀行提供意見畀你，佢都只係根據佢對你認知嘅嗰個部分去提出意見，因為佢並唔知道你整個資產配置，所以畀嘅意見都只可以比較片面。
所以由家族辦公室整合去管理就可以畀整個家族一個最合適同全面嘅意見。
而且呢個會係一個一站式嘅服務，家族辦公室可以根據家族本身的需要，為客戶提供度身訂造嘅投資管理方案，投資範圍基本上係可以包括所有嘢，包含一般standard嘅投資產品，如股票、債券、ETF、基金、保險等，另外也可以包含私募股權、物業、加密貨幣，甚至乎一啲奢侈品或藝術品等。
所以喺管理資產方面，家族辦公室就做咗一個集中管理嘅角色，以代理人嘅身份去幫助管理唔同銀行戶口，其他資產等等。亦都因為咁家族辦公室可以畀整個家族一個最合適同全面嘅意見。

3：提高家族內部的透明度及信任度
家族辦公室會定期向家族成員報告，提高家族內部整體的透明度跟信任度。而且都可以減少成員之間的爭執。

4：協助家族做世代交接
對於一啲家族企業來說，家族辦公室可以協助他們事先好規劃好跨代的延續，確保家族成員可以做好準備。

5：保護私隱
如果同時用不同銀行，或者金融機構，律師樓，會計師樓等等，就會增加咗一啲關於家族敏感信息被洩露嘅風險。
而透過家族辦公室去集中管理就可以將一啲家族敏感的信息保留在家族辦公室內，亦可以保護家族免於受到勒索或詐欺等各種威脅。

Q&A
家族辦公室同私人銀行嘅分別？相對私人銀行，家族辦公室有什麼優勢呢？
1.身分不一樣（容易形成利益衝突）
私人銀行老闆為銀行，家族辦公室老闆係客戶。
私人銀行都係銀行嘅其中一個業務，所以私人銀行嘅最終目的都係幫銀行賺錢，出發點好難係以客户嘅最大利益為目標，所以會形成銀行同客戶之間的利益衝突。
但家族辦公室就不一樣，家族辦公室老闆係客戶，會以客戶最大利益為目標。而且佢哋目標係長遠，將資產由一代承傳到下一代。
除咗客戶同私人銀行之間嘅利益衝突之外，仲有就係私人銀行同私人銀行之間嘅競爭。每家私人銀行都會希望客戶能將更多的資產從競爭對手那裡轉移給自己管理，所以每家私人銀行都使盡渾身解數去爭客，這種競爭行為雖然可能使客戶獲得更好的產品和服務，但是卻容易扭曲客戶的風險偏好而使資產錯配。不過家族辦公室就不一樣，因為家族辦公室嘅老闆係客户，不屬於某一間私人銀行，所以佢哋會幫助客戶選取最有利嘅私人銀行。
因為好多人對有錢人嘅誤解，好多人都以為，有錢人淨係鐘意搵高回報嘅投資產品，其實相反地，佢哋係追求比較保守，穩定增長，能夠持續嘅投資產品，唔會希望資金要喺短時間內翻倍而承受過多風險，反而係希望將資金可以世世代代承傳落去，而因為資金嘅pool比較大，唔需要好高嘅回報實質已經有一個唔錯嘅數字。
所以家族辦公室更注重風險管理，獲得穩定可預期嘅回報，目標係希望令家族嘅資金可以永續，所以投資風格偏向穩健，用分散投資嚟平衡風險。

2.管理模式不一樣
私人銀行只會代表銀行處理戶口相關嘅事宜。
家族辦公室會以顧問嘅形式幫助客戶去做整體嘅資產規劃，由簡單到選擇銀行，保險，去到投資策略，以至個人問題都會幫忙去處理。

今集講左家族辦公室嘅好處同私人銀行嘅分別，其實家族辦公室仲有好多細節，我打算再開多集同大家講下，例如家族辦公室點樣收取費用，有咩風險，有啲乜嘢人需要家族辦公室呀，入場門檻以至家族辦公室未來嘅發展都會喺下集同大家再討論呀，下次見喇！