Скачать или смотреть PISTE 13 - كبرنا معاك

ULTRAS SFAXIENS 07

كبرنا معاك
____________________________________
PAROLES :
تولد في زناقيك
حلّ عينو علـ COULEUREK
واللّه كوّر في بطاحيك
وبدنو تشلّخ عالجالك
دهن وجهو بڨواشات
بأعلامك قرّط روحو
تمنّى يعيش في ستادات
18 غمقتلو جروحو
تزادك مغروم جديد
روح المحبّة قوّاتو
يشوف فيك ثالث العيد
إنت ثمرة حياتو
أوّل مرّة في ستادك
قلبو ساكت مالفرحة
فبرا وغنّا غناياتك
روّح في صوتو البحّة
زاد كبر بيه الغرام
ودار ستادات البلاد
كسّر جميع الأرقام
وقّف مخاخ العباد
ليالي ياما صبّحها
يتفنّن في الدخلات
pinceau قريب ينطّقها
توثّقلك في حكايات
في الفرحة ديما معاك
في الشدّة زاد بيه حبّو
وين ما تمشي وراك
logo ديما فوق قلبو
قلبو لي ينزف عليك
تطلب عمرو يعطيك
للموت ما يخلّيك
كحلة وبيضة لي نبغيك
___________________________________
Instagram :
instagram.com/ultrassfaxiens07
Facebook :
facebook.com/ULTRAS.SFAXIENS.07
____________________________________