কেৰেলাৰ পৰা ঘূৰি ধেমাজিৰ জিতু গগৈয়ে গাঁৱতে গঢ়িলে বিশাল ফাৰ্ম ৷ ১০ মাহত ১৪ লাখ টকাৰ উপাৰ্জন ৷

কেৰেলাৰ পৰা ঘূৰি ধেমাজিৰ জিতু গগৈয়ে গাঁৱতে গঢ়িলে বিশাল ফাৰ্ম ৷ ১০ মাহত ১৪ লাখ টকাৰ উপাৰ্জন ৷
জীৱিকাৰ সন্ধানত এদিন তেওঁ উপস্থিত হৈছিলগৈ কেৰেলাত ৷ এটি ফেক্টৰীত আৰম্ভ কৰিছিল শ্ৰমিকৰ কাম ৷

এদিন তেওঁ ঠিক কৰিলে যে কেৰেলাত আৰু নকটায় কষ্টকৰ জীৱন ৷ সেয়ে ঘৰলৈ ঘূৰি আহি সৰু বৰ যিকোনো কামেৰে স্বাৱলম্বী হোৱাৰ সিদ্ধান্ত ল’লে ৷ গাঁৱত আহি আৰম্ভ কৰিলে এখন বয়লাৰ ফাৰ্ম ৷
সেয়াই আৰম্ভণি ৷ ধেমাজিৰ মৰিধল হাঁহচৰা গাৱৰ সন্তান জিতু গগৈ আৰু থমকি নৰ’ল ৷ গঢ়ি তুলিলে গাহৰিৰ বৃহ্ৎ ফাৰ্ম ৷ আৰম্ভ কৰিলে ব্লেক চিকেনৰ ফাৰ্ম , কয়লাৰ ফাৰ্মৰ লগতে মৎস্য পালন ৷

কিন্তু ২০২০ চনৰ প্ৰথম ভাগত অহা আফ্ৰিকান স্বোৱান ফিভাৰত জিতু গগৈৰ ২২০ টা গাহৰিৰ মৃত্যু হয় আৰু হতাশাৰ ডাৱৰে তেওঁৰ জীৱন আগুৰি ধৰে ৷

হাতসৱাতি ভাগ্যৰ ওপৰত বিশ্বাস কৰা মানুহ নহয় জিতু গগৈ ৷ সেয়ে ২০২০ চনৰ শেষৰ ভাগলৈ পুনৰ গাহৰি ফাৰ্ম আৰম্ভ কৰিলে ৷ এতিয়া ৮০ টাৰো অধিক গাহৰি আছে গগৈৰ ফাৰ্মত ৷ বিগত ১০ মাহত বিক্ৰী কৰিছে প্ৰায় ১৪ লাখ টকাৰ গাহৰি ৷

গাহৰি ফাৰ্ম, ব্লেক চিকেন, কয়লাৰ, মৎস্য পালনৰ লগতে জিতু গগৈয়ে শেহতীয়াকৈ আৰম্ভ কৰিছে ড্ৰেগন গছৰ খেতি ৷ আহকচোন উদ্যমী অসমীয়া খেতিয়ক জিতু গগৈৰ লগত কথা পাতো ৷
jitu gogoi - 9101620716
uparjan.in