Скачать или смотреть ბათუმის დელფინარიუმში მომხდარ ფაქტზე გამოძიება მიმდინარეობს

რამდენიმე საათის განმავლობაში კითხავდნენ სამართალდამცველები ბათუმის დელფინარიუმში მომხდარი ინციდენტის მონაწილეებს.

დელფინარიუმთან ცხოველთა უფლებების დამცველი ორგანიზაციების წარმომადგენლების მიერ გამართული საპროტესტო აქცია დაპირისპირებაში გადაიზარდა.

დელფინარიუმის ადმინისტრაციის განცხადებით, რამდენიმე ადამიანი შენობის იმ ნაწილში შეიჭრა, სადაც უცხო პირთა შესვლა აკრძალულია და დელფინების გათავისუფლება მოითხოვეს. აღნიშნული ქმედებით მათ სამუშაო პროცესს ხელი შეუშალეს.

ადმინისტრაციის მტკიცებით, ფიზიკური დაპირისპირების შემდეგ, დაცვის თანამშრომლების წინააღმდეგ ახალგაზრდებმა მომწამვლელი აირიც გამოიყენეს.

საპირისპირო ვერსიაზე საუბრობენ „საქართველოს ცხოველთა უფლებების დაცვის ფედერაციაში“. მათი მტკიცებით, ისინი, უცხოელ კოლეგებთან ერთად, მშვიდობიანი საპროტესტო აქციის გამართვას ცდილობდნენ, მომწამვლელი აირი კი მათ თავდაცვის მიზნით გამოიყენეს.

გამოძიება სისხლის სამართლის 125-ე მუხლით მიმდინარეობს.