Скачать или смотреть மரத்திற்குள் மறைந்திருக்கும் சிவலிங்கம்

கரைவழிநாட்டில் வழிபாடு மிகுந்தமைக்கான தொல்லியல் எச்சங்கள்.
கரைவழி நாடு என்றும் இராஜராஜ வழி நாடு எனும் கடந்த கொழுமம் குமரலிங்கம் கல்லாபுரம் பகுதியை அழைத்துள்ளனர். இதற்கானச்சான்றுகளாக கரைவழியில் ஆங்காங்கே சிதிலமடைந்த கற்சிலைகள், தீப கம்பங்கள் இருந்தமைக்கான அடிப்பகுதி கற்சிற்பங்கள் இருந்ததை தொல்லியல் ஆய்வறிஞர்கள் மூர்த்தீஸ்வரி, இதழியலாளர் பிரதீப் ஆகியோர் உறுதிப்படுத்தினர்.
குமரலிங்கத்திற்குத் தெற்கில் குமரித்திட்டு பகுதியில் நான்கு அடிக்கு ஐந்தடி அகலம் கொண்ட பெரிய கற்பாறையில் ஒன்பது துளைகள் ஒரே மாதிரி அளவில் இருப்பதும், அதன் நடுவில் இருக்கும் துறை கொஞ்சம் பெரியதாக இருப்பதையும் வைத்துப்பார்த்தால் 15 அடிக்கும் மேற்பட்ட தூலகம்பம் அல்லது தீபகம்பம் இருந்தமைக்கான சான்றாக இருக்கின்றது.
இந்த துளைகள் பழங்காலத்தில் கற்களினாலேயே பொருத்தக்கூடிய இண்டர்லாக்கிங் தொழில் நுட்ப வடிவமைப்பில் இருந்ததையும், ஆங்காங்கே ஒரு கற்தூண்கள் இருந்தமைக்கான உடைந்து போன கற்களும், இதற்கருகில் ஒரு அரச மரத்தில் ஐந்தடிக்கு ஐந்தடி அளவில் ஆவுடையுடன் லிங்கம் இருந்ததையும் அது தற்போது அரசமரத்திற்குள் இருப்பதாகவும், அதனை வழிபட்ட மக்கள், பின்பு இந்த நிலம் வேறொருக்கு கைமாறியதும், அரசமரத்தைப் பராமரிக்காமல் விட்டதனால் மரம் வளர்ந்து லிங்க வடிவிலான கற்சிலையை முழுமையாக மறைத்துவிட்டதாகவும் அப்பகுதி மக்கள் கூறுகின்றனர். இதனை நேரடியாகக்கள ஆய்வு செய்த உடுமலை வரலாற்று ஆய்வு நடுவத்தினர் அதன் அருகில் இருக்கும் கற்சிற்பங்கள் மற்றும் மேற்பரப்பு ஆய்வு செய்து அதனை உறுதிப்படுத்தினர்.