Скачать или смотреть ប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានក្រុងបានលុងដើម្បីត្រួតពិនិត្យនិងគាំទ្រអនុវត្តកម្មវិធ

ប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានក្រុងបានលុងដើម្បីត្រួតពិនិត្យនិងគាំទ្រអនុវត្តកម្មវិធីនយោបាយនិងយុទ្ធសាស្រ្តដំណាក់កាលទី៤

(រតនគិរី)÷ នៅព្រឹកថ្ងៃទី១៨ ខែកក្កដាឆ្នាំ២០២០ នៅសាលមហោស្រពសម្តេចតេជោហ៊ុនសែនខេត្តរតនគិរីបានរៀបចំពិធីប្រកាស សមាសភាពក្រុមការងាររាជរដ្ឋាភិបាលដើម្បីត្រួតពិនិត្យនិងគាំទ្រអនុវត្តកម្មវិធីនយោបាយ និងយុទ្ធសាស្រ្តដំណាក់កាលទី៤ របស់រាជរដ្ឋាភិបាលកម្ពុជានៅក្រុងបានលុង។

ពិធីប្រកាសសមាសភាពខាងលើប្រព្រឹត្តិទៅ ក្រោមអធិបតីភាពឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងឯកឧត្តម
ថង សាវុន អភិបាលនៃគណៈអភិបាលខេត្តរតនគិរីនិងជាប្រធានក្រុមការងារអចិន្រ្តៃយ៍ចុះមូលដ្ឋានខេត្ត។

ឯកឧត្តម ថង សាវុន នៃគណៈអភិបាលខេត្តរតនគិរី និងជាប្រធានក្រុមការងារអចិន្រៃ្តយ៍ ដើម្បីត្រួតពិនិត្យនិងគាំទ្រការ
អនុវត្តកម្មវិធីនយោបាយនិងយុទ្ធសាស្រ្តចតុកោណដំណាក់
កាលទី៤ របស់រាជរដ្ឋាភិបាលកម្ពុជាខេត្តរនគិរីមានប្រសាសន៍ថា ក្រុមការងារនេះគឺជួយកិច្ចការមួយចំនួនរបសរាជរដ្ឋាភិ
បាលដោយអាចចុះធ្វើសកម្មភាពរាល់ថ្ងៃក្នុងម៉ោងរដ្ឋបាលបានដើម្បីជួយត្រួតពិនិត្យមើល ភាពកង្វះខាត និងសំណូមពររបស់ពលរដ្ឋយើងដែលបានជួបប្រទះបញ្ហាប្រឈមនានានៅក្នុងមូលដ្ឋានពិសេសក្រុងបានលុងដែលមានសង្កាត់ទាំង៤ផងដែរ។

ឯកឧត្តម បានបន្តទៀតថា តួនាទីចម្បងរបស់ក្រុមការងារថ្នាក់ជាតិចុះមូលដ្ឋានក្រុងបានលុងគឺ លើកកម្ពស់ការដឹកនាំ សម្របសម្រួលគាំទ្រ ដល់រដ្ឋបាលថ្នាក់ក្រោមជាតិ ក្នុងការលើកកម្ពស់ការផ្តល់សេវា ការអភិវឌ្ឍមូលដ្ឋាន និងការដោះ
ស្រាយបញ្ហានានា ដើម្បីប្រជាពលរដ្ឋនៅមូលដ្ឋានព្រមទាំងពង្រឹងការងារសន្តិសុខ សណ្ដាប់ធ្នាប់សាធារណៈការងារភូមិឃុំមានសុវត្ថិភាពនិងបន្តធ្វើវេទិកាសាធារណៈដើម្បីប្រមូលសំណូមពររបស់ពលរដ្ឋយកមកធ្វើការដោះស្រាយជូនពួកគាត់៕