Скачать или смотреть “As Ek ‘n Gedig Is” deur Christi Steyn

Ek sal met liefde meer Afrikaanse videos maak.

As Ek ‘n Gedig Is

sal ek net in kleinletters praat
die enigste hoofletters
gehou vir Ma en Pa
ek is net te bang
of te lief
die twee is dalk dieselfde

as ek ‘n gedig is
rym ek nie aspris
nie
my woorde wriemel in my keel
en gedigte is sonder gesigte

as ek ‘n gedig is
gebruik ek die son as personifikasie
die maan as metafoor
heel te mal te veel
die twee is dalk dieselfde

ek gebruik woorde soos “heuning” en “glinster” om my emosies te beskryf
die ellips is my see
‘n stroom wat my gedagtes lei

as ek ‘n gedig is,
is my mislukking kuns
my gebroke pyn gevier
en getatoeëer van papier tot vel

ek huil in komma’s
lag in uitroeptekens

Ek as gedig
besluit wie op my kan skryf
kieskeurig oor my lyf
want uitvloek in ink vlek
en sit ‘n punt in die gesprek

Christi Steyn

#gedig #poësie #afrikaans #afrikaansegedig #gedigte #digkuns #poetry #poet #digter