Скачать или смотреть Wayang Golek GH3 Prabu Gubarja Kusuma (Audio Panggung) - H. Asep Sunandar Sunarya

Tema : Upaya pelestarian kesenian wayang golek melalui media sosial.

Wayang golék ieu mangrupakeun rékaman audio pagelaran Giriharja 3 pingpinan dalang H. Asep Sunandar Sunarya di Kampung Cigobang Desa Padarek Kec. Lemahsugih Kab. Majalengka taun 2013.
====================================
SINOPSIS CARIOS GUBARJA KUSUMA
Sinigeug, di karaton nagara kajinan Parang Gubarja, Prabu Gubarja Kusumah keur ngayakeun sawala (babadamian) jeung adina Patih Gubarja Seti katut Senopati Gubarja Dénta. Maksud raja ngayakeun babadamian téh alatan raja hayang boga prameswari ti bangsa manusa. Wanoja bangsa manusa nu dipicangcam téh nyaéta Déwi Subadra, bojona Dipati Arjuna. Saterusna Prabu Gubarja Kusumah nitah adina Patih Gubarja Seti pikeun ngiwat Subadra ti karaton Madukara.

Di tempat séjén nyaéta di Tumaritis Tegal Gorowong, Astrajingga & Dawala keur siap-siap indit ka Madukara bareng jeung bapama Semar Badranaya rék ngaluuhan salametan opat bulan ngandegna Déwi Subadra, bojona Adipati Arjuna. Di satengahing perjalanan, Astrajingga & Dawala panggih jeung Patih Gubarja Seti nu rék ngiwat Déwi Subadra. Dina ijén jeung si patih, Astrajingga & Dawala dibalangkeun ka awang-awang nu ahirna ditulungan ku Gatokaca. Sedengkeun Patih Gubarja Seti nyamur jadi Astrajingga nu saterusna ngiwat Déwi Subadra di karaton Madukara. Jadi, Astrajingga difitnah maling bojona Arjuna.

Carios salajengna mah mangga bandungan dugi ka tamat. Cag!