ردية العمالقه جديد 2023|عبدالله المسعودي ومستور العصيمي -اداء:سلطان المنصوري

اتهرج ولاني بليا عرف
واعرف الحق ليه وماهو علي

زال مستور موجود بين الرجال
بيني وبينه علوم اباقولها

فيه مستور غيرك يامستور قف
يالله استر على كل مستور حي

كنت ساكت وذا الحين كثر الجدال
واللي اتقوله القوم ابا قولها
عبدالله المسعودي
___________________________________
اخذ حقك من الحق ولك الشرف
لايروح لك عند الطماميع شي

وان تبا الزود ماهو على كل حال
كل ماقعد وبا قوم ابا قولها

اعرف العلم والعارفة من عرف
هابط السوق وصل البلد من عشي

يامدور مكاسب بلا راس مال
لك نهار امس واليوم ابا اقولها

مستور العصيمي
____________________________________
شورتي تقضب الدرب لاتنحرف
لن تعدلت ولا ترى منت ابي

مد يمناك واكتب بيدك الشمال
مد يسرى الفتى لوم ابا اقولها

مالنا بالردية مع الناس شف
وان نوينا على الطيبة ياصبي

ماحدتنا عن الماء طوال الجبال
ننزل البحر ونعوم ابا اقولها

عبدالله المسعودي
___________________________________
ما اختلف غير مع واحد مختلف
وانطح النار بالنار ويحقلي

وانت مرخي عمامتك تحت العقال
هكذا دايم الدوم ابا اقولها

ليه في ظرف يومين دمك نشف
ياشفاعة محمد وقوة علي

ما انت لاحق مدى للدروب الطوال
دوب قايم من النوم ابا اقولها

مستور العصيمي
___________________________________
يوم سموك جاحد متى تعترف
وش يكون العتيبي مع الهذلي

خمس حبات بارد بواحد ريال
لا مكاسر ولا سوم ابا اقولها

كل مكره على روس اهلها تلف
روح لهلك وانا رايح اعرف هلي

شايف الذيب مشتال راس الخيال
شايل الراس مقسوم ابا اقولها

عبدالله المسعودي
___________________________________

انت لك قصد نيه وانا لي هدف
اعرف الشافعي واعرف الحنبلي

ماتوردك للماء قصار الحبال
بات ضميان محروم ابا اقولها

اسمع الامر ياهذلي وانصرف
تسمع اخبار صاحبك في ما يلي

يامجرب تدرب نهار القتال
وانت بالامر ملزوم ابا اقولها

مستور العصيمي