Скачать или смотреть MD SSWMB Tariq Ali Nizamani Meeting With Vice-Chancellor of Aror University, Mr. Zahid Hussain Khand

dated: 16-01-26
ایس ایس ڈبلیو ایم بی کے وفد کا آرور یونیورسٹی سکھرکا دورہ،صفائی ستھرائی کے انتظامات کے سلسلے میں باہمی تعاون اورمعاہدے پر بات چیت ہوئی۔(Aror University of Art, Architecture, Design & Heritage)
ایم ڈی سندھ سالڈ ویسٹ مینجمنٹ بورڈ نے کچرے کو الگ کرنے اور ری سائیکلنگ کے طریقے متعارف کرانے کے ساتھ ساتھ آگاہی کے پروگراموں کے انعقادکے لئے باہمی تعاون پر تبادلہ خیال کیا

ضلع سکھر ( ) سندھ سالڈ ویسٹ مینجمنٹ بورڈ کے وفد نے منیجنگ ڈائریکٹر طارق علی نظامانی کی سربراہی میں آرور یونیورسٹی آف آرٹ، آرکیٹیکچر، ڈیزائن اینڈ ہیری ٹیج، سکھر کا دورہ کیا، دورے کا مقصد صفائی ستھرائی کے پائیدار نظام، آگاہی ورابطہ اور باہمی تعاون کا جائزہ لینے کے بعد معاہدے کے لئے کوئی حکمت عملی تیار کرنا ہے۔وفد میں ایگزیکٹو ڈائریکٹر سالڈ ویسٹ مینجمنٹ بورڈسکھر اعجاز احمد و دیگر افسران موجود تھے۔ انہوں نے آرور یونیورسٹی کے وائس چانسلر پروفیسر ڈاکٹر زاہد حسین کھنڈ اور یونیورسٹی کی دیگر شعبہ جات کے اساتذہ سے ملاقات کی۔اجلاس میں پروفیسرڈاکٹر زاہد نے بریفنگ میں یونیورسٹی کی وژن، تعلیمی پروگرامز، تحقیقی سرگرمیوں اور آرٹ، آرکیٹیکچر، ڈیزائن، ورثہ اور پائیداری کے شعبوں میں خدمات پر مبنی تفصیلی پریزنٹیشن دی۔ اس موقع پر آرور یونیورسٹی اور سندھ سالڈ ویسٹ مینجمنٹ بورڈ کے مابین تحقیق، جدت، کیپیسٹی بلڈنگ اور پائیدار کچرے کے انتظامات کے عملی طریقوں پر تعاون کے مختلف پہلوؤں پر تفصیلی تبادلہ خیال کیا گیا۔اس موقع پر ایم ڈی سندھ سالڈ ویسٹ مینجمنٹ بورڈطارق علی نظامانی نے کچرے کو الگ کرنے اور ری سائیکلنگ کے طریقے متعارف کرانے کے ساتھ ساتھ آگاہی کے پروگراموں کے انعقادکے لئے باہمی تعاون پر تبادلہ خیال کیا۔انہوں نے کہا کہ یہ بات خوش آئند ہے کہ تعلیمی ادارے ماحولیاتی آلودگی کی وجہ سے رونما ہونے والی تبدیلیوں اور نقصانات سے بچاؤ کے لئے منظم صفائی کے نظام کو اہمیت دے رہے ہیں اور سندھ سالڈ ویسٹ مینجمنٹ بورڈ کے تعمیری اقدامات میں اپنا بھرپورتعاون پیش کرنے کا رادہ رکھتے ہیں ہم کافی اداروں کے ساتھ اس مقصد کے لئے رابطے میں ہیں اور متعدد اداروں کے ساتھ ایم او یو سائن ہونے کے بعد صفائی ستھرائی کا نظام سنبھال رہے ہیں تاکہ ایک پائیدار نظام کو فروغ دیا جاسکے۔انہوں نے اس موقع پر کچرا اٹھانے کے مکمل پروسیس سے بھی آگاہ کیا۔ بعد ازاں باہمی احترام اور خیرسگالی کے اظہار کے طور پرایم ڈی سندھ سالڈ ویسٹ کو یادگاری شیلڈپیش کی گئی، جو دونوں اداروں کے درمیان تعلقات کے فروغ اور پائیدار ترقی و کمیونٹی شمولیت کے مشترکہ عزم کی علامت ہے۔

ڈائریکٹر میڈیا
ایس ایس ڈبلیو ایم بی