Скачать или смотреть ZARMED Universiteti madhiyasi

Ona yurtim tarixini o‘rgatguvchi o‘zingsan,
Xorijiy til sirlarini so‘zlatguvchi o‘zingsan.
Ibn Sino hazratlari topib ming dardga davo,
O‘zi uchun topolmagan dardga malham o‘zingsan...
Najot yo‘li, bilim koni, ilm nuri o‘zingsan,
Sen jonajon oliygohim, TURON ZARMED o‘zingsan!

Iqtisod — bir yo‘nalishi, bilim maskanim yuzi,
Muallimlik, ruhshunoslik — naq moʻjizaning o‘zi,
Al-Buxoriy “Sahih”lari ma’naviyatning so‘zi,
Top mingtalik orzusida ish boshlagan o‘zingsan...
Najot yo‘li, bilim koni, ilm nuri o‘zingsan,
Sen jonajon oliygohim, TURON ZARMED o‘zingsan!

Keldi qancha olimlarkim, har bittasi bir jahon,
Buxoroyu Samarqanddan, azim Toshkentdan tomon.
Ilmi sabab ustozlarni taniydi bu keng jahon...
O‘z kasbining ustasidir, ular — alloma zamon!
Najot yo‘li, bilim koni, ilm nuri o‘zingsan,
Sen jonajon oliygohim, TURON ZARMED o‘zingsan!

Kelajaging bo‘lsin buyuk, ko‘rar ko‘zim o‘zingsan,
Onam kabi menga suyuk, jonu dilim o‘zingsan,
Yurtboshimiz tashabbusin qo‘llagaysan sen mudom,
Ilg‘or bo‘lgin ilmu fanda, sportda ham chempion!
Najot yo‘li, bilim koni, ilm nuri o‘zingsan,
Sen jonajon oliygohim, TURON ZARMED o‘zingsan!