Скачать или смотреть ورثاء کے حصے نکالنے کا طریقہ و اصول - Noor e Hidayat

مخرج کی تعریف:۔وہ چھوٹے سے چھوٹاعددجس سے ورثاء کوان کے حصے بلاکسرتقسیم کیے جاسکیں۔
اصول نمبر1:۔حصص نکالنے کے لئے فروض مقدرہ کودوقسموںمیں تقسیم کیاجاتاہے۔
(1)نوع اول:۔اس میں نصف۔ربع اورثمن شامل ہے۔
(2)نوع ثانی :۔اس میں ثلث،ثلثان اورسدس شامل ہے ۔
اصول نمبر2:۔نصف کے کا ہم نام عدددو(2)ربع کاہم نام عددچار(4)اورثمن کاآٹھ(8)،ثلث اورثلثان کے لیے تین (3) اورسدس کے لیے چھ (6)کا عد د استعمال ہوگا ۔
اصول نمبر3:۔اگروارثین میں سے کوئی اصحاب الفروض میں سے نہ ہوبلکہ سب عصبات ہواوردرجہ میں بھی مساوی ہو،تووہاں ترکہ کی تقسیم کاکوئی خاص قاعدہ مقررنہیں۔بلکہ وراثوں کے تعدد سے مسئلہ بنے گا ۔وراثوں کی تعدد کو عربی میں عددرؤ س کہتے ہیں۔
مثال:1۔پانچ حقیقی بھائی ہو ،توکل ترکہ پانچ سے تقسیم کرکے سب کوایک ایک حصہ دیاجائے گا
مثال 2۔پانچ حقیقی بھائی اورپانچ حقیقی بہنیں ہو،توان کاعددرؤس 15تصورکرکے ہربھائی کودواورہربہن کاایک ایک حصہ دیاجائے گا۔
اصحاب الفروض کے حصے نکالنے کے اصول
اس کے پانچ اصول ہیں ۔
اصول نمبر 1۔اگرفروض مقدرہ میں سے ایک ہی موجودہو ،تواس کاہم نام عدد سے مسئلہ بنا کر جائیداد تقیسم کی جائے گی۔
مثال :1۔ شوہر(ربع)اوربیٹا(عصبہ)تومسئلہ چار سے بنے گا۔ایک حصہ شوہر کو جبکہ 3 حصے بیٹے کو مل جائے گئے ۔
مثال :2۔ ایک بیٹی (نصف) اورچچا(عصبہ)ہو،تومسئلہ دوسے بنے گا۔ ایک بیٹی کو جبکہ ایک حصہ چچا کو مل جائے گا۔
اصول نمبر2۔نوع اول ..یا..نوع ثانی میں سے کسی بھی نوع کے ایک سے زائدحصے جمع ہوجائیں۔مثا ل کے طور پرنصف وربع وثمن ..یا..ثلث وثلثان وسدس،توسب سے چھوٹے حصے کے عددکومعیاربنایاجائےگا۔مثلاًنوع اول میں سے سب کم ثمن حصہ ہے ،جس کاہم نام عدد8ہے تونصف وربع بھی اسی سے حل ہوگا۔
نوع ثانی میں سدس سب سے کم حصہ ہے، جس کاہم نام عدد6ہے ،توثلث وثلثان کا مسئلہ بھی اسی سے حل کیا جائے گا۔
مثال :1۔ شوہر(ربع) بیٹی(نصف)چچا(عصبہ)تویہاں چھوٹاحصہ ربع ہے جس کاہم نام عددچارہے، تومسئلہ چارسے بنے گا۔چنانچہ 4 سے مسئلہ بناکر 1 حصہ شوہر کو دیا ،دو حصے بیٹی کو جبکہ ایک حصہ چچا کو مل جائے گا۔
مثال :1۔بیوی(ثمن)بیٹی(نصف)اورچچا(عصبہ)تویہاںمسئلہ آٹھ سے بنے گا۔ چنانچہ بیوی کا ایک حصہ بیٹی کو 4 جبکہ بقیہ تین حصے چچا کو مل جائے گئے۔
اصول نمبر 3۔نوع اول کانصف نوع ثانی کے کل یابعض سے مل جائے ،تومسئلہ چھ سے بنے گا۔
مثال :1۔ بیٹی(نصف)ماں(سدس)چچا(عصبہ)چنانچہ مسئلہ 6 سے بنا ۔بیٹی کو 3 حصے ،ماں کو ایک حصہ اور باقیہ 2 حصے چچا کو مل جائے گئے ۔
مثال :2۔شوہر (نصف) 2 اخیافی بہنیں (ثلث) چچا (عصبہ )۔تو یہاں مسئلہ 6 سے بنے گا ،چنانچہ 3 حصے شوہر کو ،2 حصے اخیافی بہنوں کو جبکہ ایک حصہ چچا کو مل جائے گا۔
اصول نمبر 4۔نوع اول کاربع نوع ثانی کے کل ..یا..بعض سے مل جائے ،تو مسئلہ بارہ 12سےبنے گا۔
مثال :1۔ شوھر(ربع )دوبیٹیاں(ثلثان) چچا (عصبہ ) مسئلہ 12 سے بنا ۔چنانچہ شوھرکو3 اوربیٹیوں کو 7 جبکہ ایک حصہ چچا کو مل گیا ۔
مثال :2۔ بیوی(ربع)ماں(ثلث)اور چچا (عصبہ)چنانچہ اس مقام مسئلہ 12 سے بنا ۔12 کا ربع 3 بیوی کو مل گیا ،ماں کو 4 حصے ،جبکہ چچا کو 5 حصے مل گئے ۔
اصول نمبر 5۔نوع اول کاثمن نوع ثانی کے کل ..یا..بعض سے مل جائے ،تو24 سے مسئلہ بنایا جائے گا۔
مثال :1۔ بیوی(ثمن)بیٹا(عصبہ)ماں(سدس)۔چنانچہ مسئلہ 24 سے بنایا گیا ،جس میں 3 حصے بیوی کو ،4 حصے ماں کو جبکہ بقیہ 17 حصے بیٹے کو مل جائے گئے ۔
مثال :2۔ بیوی(ثمن)دوبیٹیاں(ثلثان)اورچچا(عصبہ)۔چنانچہ بیوی کو 3 حصے ،بیٹیوں کو 16 جبکہ بقیہ 5 حصے چچا کو مل جائے گئے ۔