Скачать или смотреть استرجع الذكرى والايام الخوالي والملاح | خالد ال بريك| بطيئ + مميز ♪

لايك_على_دربك
#قروب_FN #ععذرناك


لـلانـضـمـام لـمـجـمـوعـة [ FN ] تواصل معي سناب


حـسـابـاتـي عـلى الـتـواصـل الأجـتـمـاعـي⬇️


سـنـاب شـات ⬇️
  / ur-8u  

الأنـسـتـقـرام ⬇️
https://instagram.com/ur_8u?r=nametag

بـنـتـرسـت⬇️
https://pin.it/1E9vEjo






كلمات : صنهات حشر


اللي تلاعب قمته هوج الرياح "
متعليً يستامن الحر النداوي في كنفه "

مايدهله غير الهوا والطير خفاق الجناح "
من شاف ضله قال شكل الشمس طاحت بطرفه

استرجع الذكرا والايام الخوالي و الملاح "
واحلى الليالي يوم كان العمر في عز شغفه

قبل يتلاشى حلمي اللي راح مدري وين راح
اقفى عليه الوقت وظروف الليال المكلفه

ماكل ضيق تخففه لفحة نسانيس الصباح
احيان نبعد عن نسانيسه عشان نخففه "

من جرب الفرقا فقد طعم الهدو والانشراح
لو يخفي احزانه ويجحدها عيونه تكشفه

لاتستفز المشفي المشتاق ياضبي البراح
البعد يجلب كل ضيقة والطواري مسرفه

الفقد ياكل من طرف كبدي وشره مايزاح
الظاهر ان الصدر وكره والمعاليق علفه "

لكن لو يطول الزمان الصلف وتزود الجراح
مايستعز الراس لين يزيد همة وصلفه ."

من عز نفسه في حياته عاش عمره برتياح
حتى لو افراشه حصير وباقي البيت سعفه

ياجعلنا لـ احتاجنا اللي من ظروف الوقت طاح
ناقف معه لو انتسلف له عشان نسلّفه "

نعطي لامن الله عطانا تبت يدين الشحاح
واللي يجي وسط البنوك المصرفيه نصرفه

اهم حاجة لـ اذن المذن وحيا للفلاح
نسجد ونركع لله الوالي ونقرا مصحفه

اعيوننا بين العباد .. حراب ويدينا سلاح
ووجيهنا ماهيب للحكي المصفف منشفه

دون الخوي مانخلق الاعذار وندور سماح
نعطيه ماجوبه ومطلوبه وناقف موقفه

عسى الخيال اللي مقاديمه تصب الماء القراح
جايً لبراقه رفيف .. وللرعد فيه رجفه "

يرخي هماليله على ديرة متيهة الشناح
بين السما و للارض تقدر تغرفه بالمغرفه

للعز يامنصى هل الطاله بعيدين الشباح
ديرة مطير اللي فعايلهم ماهيب محرفه

مطير حمران النظر يوم الامن ماهو متاح
كم راس شيخً بالهنادي عن متونه تحذفه

مركاضهم يقلع سروج الخيل ويرد الطياح
ووجيههم تعتق رقابٍ للقصاص مكتفه

جينا على دعوة مطير مرويّت علط الرماح
في مجلسً ماضاقت ركونه على كثر ضيفه

متشهلٍ كنه جبال طويق فالخد الفياح
راعيه مايحسب مخاسيره وكثر التكلفه

افخر يابن صحران ياساس المفاخر والنجاح
مايجهل فعول الرجال الا قليل المعرفه

انتم عيال اللي مواقيفه على صح وصحاح
امجادكم بالفعل .. ماهي بالحيّل والدفدفه

وانتم عيال اللي يمينه بالكرم تخل المراح
هلال كلً بالكرامه والمواجيب عرفه "

فهد على اسمه دون ميقاقه وفعله ماستراح
ذخر الفهود االلي مواقعها على راس شرفه

وتركي مايترك سيرة الاجداد ويكافح كفاح
الراس يقدح بالحمايا .. والفعول مشرفه

بفعولهم لبسو تياجين المفاخر والوشاح
والطيب اللي مثلهم يسعى لتحقيق هدفه

انتم موازين السعد وانتم موازين الصلاح
مجدً تبي تبطي دواليب الزمن ماتخلفه

قبيلتةً بفعولها وحدودها ماتستباح "
هيباتهم ماهيب لضعوف البشر مستهدفه

اطرب يابن صحران دام المدح فالطيب مباح
انتم هل المجد المشرف والسيوف المرهفه