Скачать или смотреть NATO ადასტურებს, რომ რუსეთს უკრაინიდან ჯარები გაჰყავს

ნატო-ში ადასტურებენ, რომ რუსეთმა უკრაინიდან ჯარები ნაწილობრივ გაიყვანა. ალიანსის წარმომადგენლის ჯეი ჯანზენის განცხადებით, ამის მიუხედავად მრავალათასიანი რუსული დაჯგუფება კვლავ უკრაინის საზღვრებთან რჩება. რუსული რეგულარული ქვედანაყოფების ნაწილი კი, ნატო-ს ინფორმაციით, ისევ უკრაინაში იმყოფება. უკრაინის ხელისუფლება პრორუს სეპარატისტებს ცეცხლის შეწყვეტის შეთანხმების დარღვევაში ადანაშაულებს. რუსეთი ევროკავშირსა და უკრაინას შორის გაფორმებულ ასოცირების შეთანხმების შეცვლას მითხოვს, ამის შესახებ გაფართოების საკითხებში ევროკომისარმა შტეფან ფულემ განაცხადა. როიტერმა კი პეტრო პოროშენკოსთვის გაგზავნილი პუტინის წერილის დეტალები გაასაჯაროვა, რომელიც უკრაინის მისამართით მუქარას შეიცავს. იმ შემთხვევაში, თუ ასოცირების ხელშეკრულება არსებული სახით ძალში შევა, კრემლი უკრაინულ პროდუქციაზე სრული ემბარგოთი იმუქრება. უკრაინის წინააღდეგ აგრესიის გამო რუსეთის მიმართ ახალი სანქციები, ევროკავშირისა და შეერთებული შტატების შემდეგ, იაპონიამ შემოიღო.