ما عاد للصفر غيره | اهداء للشيخ بدر بن حمدان ابن ضمنه | كلمات نايف مطلق المهلكي | اداء مهنا العتيبي

اهداء للشيخ بدر بن حمدان ابن ضمنه

كلمات : نايف مطلق المهلكي

اداء : مهنا العتيبي








يامطير حان الوعد والموت روس الحراب
تضرب نحر من يبى البلوى ويبلابها

حنا هل الفصل فالموقف ورد الجواب
ومدسمين السيوف الحدب بخضابها

يالابتي يا هل الوقفات قوم الصعاب
ياعزوةً عزها للي تعزوى بها

تمو على وقفة الي فاللقى مايهاب
عاصوف صفر الجزيره عوق طلابها

الشيخ ابن ضمنه الي ينحسب له حساب
شيخً مسمى من شيوخً يسمى بها

ماعاد للصفر غيره سكروا كل باب
في جيته صار سيدها وعرابها

الصامل الي لاصارت مثل يوم الحساب
له همةً لو نظر فالقدس صلى بها

مجمل مطير والعنوان راس الكتاب
كحلً على عين قاريها وكتّابها

يابدر حمدان في ماقفك فصل الخطاب
منقيةً فالصياهد زان مضرابها

يوم انها راوست بين الخطا والصواب
يقلط مقاليط من روحه تضحى بها

اقبل عليهم بصفرً مثل سوط العذاب
شعاعة الشمس مشرقها ومغرابها

ضربك برقمً قياسي مثل عتق الرقاب
على بكارً نوادر زين يدعى بها

عزً لنا يابن ضمنه ياعزيز الجناب
دام الفناجيل ابن حمدان شرابها

عنه الصياهد تخابر فالمقر المهاب
وراع الزيان بوجوده صار جلابها

تو رجعت للحياه الصفر عقب الغياب
ضربت ميدانها واكثرت غيابها

واهل التصاريح صارت ترغب الانسحاب
من هول شيً تشوفه ضيّع حسابها