100 milyardlıq "Xəzər adaları"nın dəhşətli son halı - Dənizə axan milyardlar - Layihə niyə dayandı?

Avesta şirkətinin təşəbbüsü ilə 2011-ci ilin martında başlanmış layihənin 2020-2025-ci illərdə başa çatması gözlənilirdi. Amma 2015-ci ildə “Avesta” konserninin rəhbəri İbrahim Nehrəmli Beynəlxalq Banka kredit borcunu ödəmədiyindən “Xəzər adaları” müsadirə edilib.
TV 11 adanın xarabalıqlara çevrilmiş son halınıə təqdim edir. Hazırda Xəzər adalarında çatlamış asfalt, mal peyini, asfaltın ortasından çıxmış kol-kos və ilandan başqa bir şey gözə dəymir.
Hansı ki, Xəzər adaları” layihəsi Bakıdan 25 km cənubda 41 adadan ibarət, 3 min hektar süni arxipelaqda salınmalı idi. Onun dəyəri 100 milyard dollar qiymətləndirilirdi. Layihəyə görə, burda 150 məktəb, 50 xəstəxana, bir neçə park, ticarət və mədəniyyət mərkəzləri, institut kampusları, Formula-1 trası və 1050 metrlik Azərbaycan qülləsi‎ tikilməsi nəzərdə tutulurdu. Ada-şəhərin uzunluğu 10, eni isə 6 km olmalı idi.

“Xəzər adaları” layihəsinin təxminən 1.2 milyard dollara başa gələn hissəsi yüz milyonlarla dollar kredit əvəzində Azərbaycan Beynəlxalq Bankında girov qoyulur. Sonradan 2015-ci ildə “kredit oliqarxları”nın ovu başlayanda bankda girov olan “Xəzər adaları” layihəsi də Beynəlxalq Bankın problemli kreditlərinə görə girov qoyulmuş digər aktivlər kimi “Azəraqrarkredit” ASC-nin balansına verilir. Daha sonra isə kompleks “Azərbaycan Sənaye Korporasiyası” ASC-nin balansına verilib. “Azərbaycan Sənaye Korporasiyası” layihə üçün xarici investor axtarsa da, 2021-ci il aprel ayına qədər bu layihə ilə heç bir investor maraqlanmayıb.

2019-cu ilin iyulunda Hacı İbrahim Nehrəmli açıqlayıb ki, daha onun dövlətə “bir qəpik də olsun” borcu qalmayıb. Çünki “Xəzər adaları”nı dövlətə verib.