阿媽有咗第二個丨姜濤&柳應廷缺席首映禮無阻粉絲應援丨陳偉霆少返香港亦知MIRROR好犀利丨讚姜濤跳舞好好：見到好多廣告係佢哋丨毛舜筠讚姜濤好吸引丨田木集作

阿媽有咗第二個丨姜濤&柳應廷缺席首映禮無阻粉絲應援丨陳偉霆少返香港亦知MIRROR好犀利丨讚姜濤跳舞好好：見到好多廣告係佢哋丨毛舜筠讚姜濤好吸引丨田木集作

＝＝＝＝＝＝＝

MIRROR兩成員姜濤、柳應廷（Jer）缺席昨晚（10日）假銅鑼灣舉行的電影《阿媽有咗第二個》首映禮活動，不過一眾粉絲繼續以行動支持偶像，到現場為其他演員打氣，姜濤晚上亦有在IG的限時動態轉載姜糖們在現場應援的短片，並留言「謝謝你們辛苦了」。

因為MIRROR演唱會發生舞台意外，近日所有成員處於停工狀態，而姜濤和Jer本來完成演唱會後便要投入電影宣傳工作，現在就由其他演員合力撐起，難得姜糖們風雨不改繼續到現場應援，活動期間商場各層都企滿高舉姜濤燈牌的姜糖，大家還不時高呼姜濤戲中名字「方晴」。

首映禮上，毛姐毛舜筠和彭秀慧導演在台上分享拍戲點滴，並提到找姜濤和Jer演出的過程，彭導說：「第一次見毛姐已經有壓力，再同兩位新嘅演員（姜濤、Jer），唔單止新，仲唔係好肯定佢哋係咪熱愛演戲，對我嚟講要好好平衡佢哋三個，因為呢齣戲，佢哋三個關係好好嘅，如果做到呢步，就達成一大步。」

毛姐就爆彭導一早已心儀姜濤，表示要找他做男主角：「佢話其中一個仔係要搵姜濤，當時我仲未知邊個係姜濤，你諗下係幾早之前嘅事，但咁啱我做第三屆（全民造星III）嘅評判，我就睇返之前嗰兩屆，就睇到姜濤！嘩，呢個男仔非常吸引呀，真係太好，我好鍾意佢，哈哈！好鍾意，而我哋就擔心搵邊個又係大家都鍾意呢？所以同導演搵咗好耐，最終就搵到另一個阿仔，就係柳應廷嘞！」

在戲中演姜濤好朋友的岑珈其亦有出席首映活動，講到姜濤和Jer未能到場，珈其說：「點都要支持嘅，冇話大壓力，因自己都有份參與演出。（冇主角宣傳會失色？）我相信大家都明白嘅，你見好多粉絲都嚟支持，就知佢哋嘅力量仍然係到。」另外，對被網民批評外表不夠靚仔，竟於電影《緣路山旮旯》做男主角，珈其就覺得批評反而是推動自己進步，他樂於接受任何聲音。

另外，專注內地發展多年的陳偉霆（William），因為支持公司電影亦有現身，近日他在港拍戲，因為電影有動作戲，導演又要他keep身型，故他表示已戒糖、戒碳兩個月，幸有阿媽靚湯飲補一補。

講到會否多留香港拍戲？William即說：「我都希望大家多啲畀機會我啦，若果有多啲好機會，我都想返嚟拍戲。」問到甚少在港的他，其實知否姜濤是誰？ William即表示：「當然認識啦，今日我見到好多佢嘅Fans，坦白講我係好耐冇返嚟香港，但呢段時間喺香港見到好多廣告都係佢哋，真係好犀利，有睇過佢跳舞，跳得好好呀。」

支持「田木集作」即看影片，仲有👇🏻👇🏻
IG ：  / touchwoodtv  
FB：  / touchwoodtv  
=========================
田木集作丨娛樂丨專訪丨專題丨飲食丨生活丨資訊
YouTube－Subscribe 🛎️
Facebook－Like ❤️Follow
Instagram－Follow 📌
=========================
#阿媽有咗第二個 #姜濤keungto #柳應廷Jer #首映禮 #陳偉霆 #毛舜筠 #彭秀慧 #田木集作 #touchwoodtv