DEWRÊŞ BABA - DEWA MA DERTLÎ YA

DEWA MA DERTLÎ YA
Qisey û qeyde: DEWRÊŞ BABA (1938-1999)
Arşîv: Alî Aydin Çîçek

*
DEWA MA DERTLÎ YA

Mi va, xebere ame ke rinde nîya
Xebere ame ke zaf acî ya
Hokmatî emir do, dewa ma dewe ra vecîya
Dewanê bîna ra vila bîya
Bawo dewa ma dertlî ya
Bira dewa ma dertlî ya

Hewrî amayî ra hewrê tengûtarî
Tavîya torge xo şanito Koyê Goşkarî
Vengê topa êno zê biluskê usarî
Bawo dewa ma dertlî ya
Bira dewa ma dertlî ya

Na dewa hêsîro feqîre
Dewa ma dewe ra veta, bîya macîre
Hermetî non wenê teva hêsîre
Bira dewa ma dertlî ya

No çi bîçîm ortam o, senê duzen o
Heqlî heqsiz kifşe nêbeno
Tern û huşk tede veşeno
Bira dewa ma dertlî ya

Tumê Goşkar Babayî dewe ra aseno
Goşkar her serre to rê qurbana sare birneno
Korucax, vera çimanê to dewe vêşneno
Waye dewa ma dertlî ya
Bira dewa ma dertlî ya

Ju cîranê ma şono Şeman o
Axir vano, “Wertê qomî, lewê werezan o”
Ne kes kenê meymanî ne kenê cîran o
Bawo dewa ma dertlî ya
Bira dewa ma dertlî ya

Ero Dewrêş Alî,
To şenik çirangî çarnay Goşkarî, ververê çemî
To hetanî nê serra malê kurêşanê Goşkarî
Verba dewa xo kerde îbretê alemî
Înşala to danê binê nê Hazir Babayî, nê cenetî
Înşala to kenê sekreterê zabanîyê cenemî
Bawo dewa ma dertlî ya
Bira dewa ma dertlî ya

Dewrêş Baba demoqrat bîr însan o
Cîranê ma bîyê perîşan o
Qaşo kîmlîgê ma de dîn, “îslam” dîye nivisneno
Bawo dewa ma dertlî ya
Bira dewa ma dertlî ya