Скачать или смотреть Сулыу. Каракалпакша косыклар, Qaraqalpaqsha qosiqlar.

Маган усы форматта косыкты жиберген.


Тәбиятым көзди тартар,
Ықлас-ықрарым артар,
Не сырлы гия жатар,
Билгенге сулыў-сулыў.

Бәлент таў мунарында,
Пәрўаз терек шынарында,
Жасап қушақ қумарында,
Көргенге гөззал-сулыў.

Көгилдир аспанында,
Татым дуз ас-нанында,
Меҳирлилик қанымда,
Сүйгенге гөззал-сулыў.

Даласы ашық айдын,
Дәрья, шөл, көли, сайың,
Көз тартар бәрше жайың,
Гүлленген гөззал-сулыў.

Бул имкан бар екен-дә,
Зор сезим тән екен-дә,
Мәканым жан екен-дә,
Гирбиңсиз гөззал-сулыў.

Муҳаббат ушқын атар,
Турмыста бәри қатар,
Туйғыңда Ўатан жатар,
Сүйилген гөззал-сулыў.

Сүйемен бәршеңизди,
Уллы-жас нәлшеңизди,
Муҳаббат берсеңиз де,
Теңликтен сулыў-сулыў.

Уримхан Тажимуратова