Gara Yaka Dance in Arawwala Gammaduwa 2023 - Sri Lankan Traditional Rare Ritual Devil Dance

Three-day Gee Madu Festival at the Vidyaloka Vidyalaya Sports Ground in Erawwala. 9th Aravwala Sat Pattini Village Festival at Vidyaloka Vidyalaya Sports Ground on 3rd, 4th and 5th March 2023

The 9th Arawwala Sat Pattini Gammaduwa Festival held for the year 2023 was held on March 3-5, 2023 at the Vidyaloka Vidyalaya Sports Ground in a grand manner. Surrounding towns are Maharagama, Pannipitiya, Kottawa, Piliyandala, Bokundara. Arawwala has its own hereditary of low country “Thovil” or "Yathukarma". As a result, the village organizes an annual village ritual ceremony, called “Gammaduwa” by expecting the fertility, rain, prevention of disease & prosperity.

ශ්‍රී ලංකාවේ පහතරට ප්‍රදේශවල පැවැත්වෙන යාතුකර්ම අතර ප්‍රධාන යාතුකර්මයක් වන ගම්මඩුව ශාන්තිකර්මය සිංහලයන්ගේ රෝග නිවාරණ හා සශ්‍රීකත්වය අරමුණු කරගත් ප්‍රධාන ශාන්තිකර්මය වෙයි. ගම්මඩුව ශාන්තිකර්මය, රෝග නිවාරණ යාතු කර්මයක් ලෙස දෙවොල් මඩුව නමින් රුවන්වැල්ල ප්‍රදේශයේ දී ආරම්භ වී මාතර, බෙන්තර සහ රයිගම යන ප්‍රධාන නර්තන සම්ප්‍රදායයන් තුනෙන් සමන්විත පහතරට නර්තන සම්ප්‍රදායේ ප්‍රධාන ශාන්තිකර්මය බවට පත්වා ඇත.

ඇරැව්වල මඩු ශාන්තිකර්ම
කැස්බෑව නගර සභාවේ බල ප්‍රදේශය තුළ කැස්බෑව ප්‍රාදේශීය ලේකම් කොට්ටාශය යටතේ ඇරැව්වල ග්‍රාමය පිහිටා තිබේ. මහරගම, පන්නිපිටිය, කොට්ටාව, පිළියන්දල, බෝකුන්දර, වැනි නගර ඇරැව්වලට ආසනයෙන් පිහිටා ඇත. ඇරැව්වල පාරම්පරික පහත රට තොවිල්, යාතුකර්ම වලට ප්‍රසිද්ධය. සෞභාග්‍යය, වැස්ස, රෝග නිවාරණය, හා සශ්‍රීකත්වය පතා වාර්ෂිකව ගම්මඩුව ශාන්තිකර්මය සංවිධානය කරනු ලබයි. 2023 වසර වෙනුවෙන් 9වැනි වරට පවත්වනු ලබන ඇරැව්වල සත් පත්තිනි ගම්මඩු මංගල්‍යය මහත් උත්කර්ශවත් අන්දමින් විද්‍යාලෝක විද්‍යාලයීය ක්‍රීඩා භූමියේදී 2023 මාර්තු 3-5 පැවැත්විය.

ඇරව්වල වැලිවත්ත කපු පරපුරේ උරුමය
ඇරව්වල වැලිවත්ත කපු පරපුර අතීතයේදිත් නවගමුවේ ගිනිමඩුව සිදුකල බව පැවසේ. අරැව්වල කපු පරපුර හිටියේ නවගමුවේ කතරගම දේවාලය භාරවයි. එකල නවගමුවේ ඓතිහාසික සත්පත්තිනි දේවාලයේ මඩුවේ නැටුවා සෙමනේරිස් වැලිවත්ත කපු මහතායි. රංකඩු පත්තිනි දේවාලයේත් නවගමුවේ සත්පත්තිනි දේවාලයේත් පෙරහර ආරම්භවිමට පෙර දේව තේවාව සිදුකරන්නේත් ඔවුන් විසින්. සෙමනේරිස් වැලිවත්ත කපු මහතාගෙන් පසු ඔහුගේ පුතාවු ලයිමන් වැලිවත්ත කපු මහතා ද ඔහුගේ පුතුන් දෙදෙනාගෙන් එක් පුතෙකුවු ඇරව්වල මෛත්‍රීපාල වැලිවත්ත හෙවත් පොඩි මහත්තයා දේවාල කටයුතුවලට සම්බන්ධ වුවත් අනෙක් පුතා යොමු වුයේ ලේඛන කටයුතු වලටය. ඔහු තමයි ප්‍රකට ලේඛක ඇරැව්වල නන්දිමිත්‍ර. මෛත්‍රීපාල වැලිවත්ත කපු මහතාගේ පත්තිනි නැටිමත් ඉතාම ආකර්ෂණීය බව පැවසේ. අරැව්වල පරපුරෙන් පැවතෙන මීලග පුරුක වනුයේ මෛත්‍රීපාල වැලිවත්ත කපු මහතාගේ පුත් මහේෂ් සුදේෂ් වැලිවත්ත කපු පත්තිනි මහතායි. අවට ගම් සියල්ලේම මඩු රාජකාරී වලදී කැපී පෙනෙන මූලිකත්වයක් ගෙන කටයුතු සිදුකරන මහී කපු මහතා විසින්. වර්තමානයේ නවගමුවේ ගිනිමඩුව කරන්නේත් පත්තිනි රාජකාරිවල යෙදෙන්නේත් එතුමා. ඒ වගේම තමයි මෙවර මඩුවෙත් වාහල නැටුවේ අරැව්වල පරපුරේම අයෙක්. ඒ මහීගේ සහෝදරියගේ පුත් ඉන්ද්‍රජිත් මදුසංඛ සිංහකුට්ටිආරච්චි මහතායි. එතුමාත් දක්ෂ වාදකයෙක් වගේම කපුපත්තිනි මහත්මයෙක් වේ.

සිය පියාගේ පස්සෙන් දුවමින් තේවාවට සහභාගිවු මහී කපු මහතාගේ බාල අවධිය සිහිපත් කරන ඔහුගේ පුංචි පුතණුවන් සුදු මහත්තයායි. ඔහු සදෙව් තේෂාන් වැලිවත්ත පියාගේ අඩි පාරේ යමින් ආකර්ශණිය හා දක්ෂ ලෙස එම කටයුතුවලට සහභාගිවි සිටිනු දැකිම සතුටක්. ඔහුට වයස අවුරුදු නවයක්. ඔහු තෙල්මේ නෙර්තයේ වගේම බෙර ගැසීමටත් උපන් හපන් දක්ෂයෙක්. මෙවර ඇරුව්වල තුන්දා ගී මඩුව කලඑලි මංගල්‍යයක් කලේ එයා වෙනුවෙන්මයි. හැමෝගේම ආදරය විදිමින් මඩු රාජකාරියට කලඑලි බසින්නේ මෙවර පැවති 2023 ඇරැව්වල මහා ගම්මඩුවේදී. තුන්දා ගී මඩුවේ අවසානය සනිටුහන් කරමින් ගරායකුන් 08 වෙස්පෑම සිදුකරනු ලැබූ අතර පුංචි සදෙව් වෙනුවෙන් ද අයිලයක් වෙන් කර තිබුණි. සිය පුත්‍රයාගේ ශාන්තියෙන් මහී කපුමහතාගේද දොස්දුරු කෙරුණු ආකාරය ප්‍රෙක්ෂකයින්ගේ මහත් සතුටට ගෙන දෙනු දක්නට ලැබිණ.

ගරා යකුම
සියලු ගරා යකුනට නායක වුයේ දන්තපුරේ බඹදත් රජුගේ පුත් සිංහ කුමාර රජු නිසා හංසවතී දේවියට උපන් "දළ කුමාරයාය" ආතුර ප්‍රේක‍ෂකයන්ට පැමිණ ඇති ඇස්වහ, කටවහ, හෝවහ, අවොල්, දෙවොල් දෝෂ දුරු කිරීම සඳහා ගරා වෙස් පෑම සිදුකෙරේ. ගරා යක්කු නම් යක්ෂ කොට්ඨාශයට යක්ෂයෝ දොළොස් දෙනෙක් අයත් වේ. අදුන් ගරා, සොහොන් ගරා, දේස ගරා, සදුන් ගරා, පුෂ්ප ගරා, කණ ගරා, උමා ගරා, ලවුනා ගරා, වාත ගරා, තොටය ගරා, නීල ගරා, කීල ගරා වෙනුවෙන් එක් ගරා යකුට ඒ නමින් ගිරි දේවියක් ද වේ. පූර්ණ ගරා යකුමකදී මේ සියලු දෙනා නර්තනයට එක් වේ.

බොහෝ විට කීල ගරා පමණක් නර්තනයෙහි යෙදේ. 'ඕලි' කුලයේ පුද්ගලයන් පෙර දී මෙම නර්තන අංගය සිදු කළ බව කියවේ. මන්ද ඔවුන් අතර සහෝදර - සහෝදරිය අතර ලිංගික සබඳතා පැවැත්වූ අතර ගරා යකු ද තම නැගණිය වන ගිරිදේවි සමඟ විවාහ පාත්‍ර වී ඇති බැවිනි. රංගභූමියෙන් පිටත ගොරක අතු සිටුවා, බුරුල්ල අතුවලින් ආවරණය කොට ගරා අයිලයක් සාදා දෙනු ලැබේ. ගරා යකුගෙන් තමා පිළිබඳව විස්තර අසන ගුරුන්නාන්සේට දෙන පිළිතුර හාස්‍ය රසයෙන් ද, පදවල අරුත් සඟවා කියන රාගික හැඟීම්වලින් ද යුක්තය. කපු මහතා ගරා යකුට කරන ආරාධනා කවිවලින් ගරා යක් උපත හා ඔහුගේ ස්වරූපය පිළිබිඹු වේ. කැවුම්, කෙසෙල්, දැලි පිහිය, පොල් වලල්ල ආදිය සහිත පූජා කැපකිරීමෙන් පසු අයිලයේ ගොරොක් අතු බිඳී යන ලෙස පැද්දීම සිදු කෙරේ. අවසානයේ දී ගරා යකු හිස දෙපසට කරකැවීම මගින් ගරා වෙස්පෑම ප්‍රේක‍ෂක ආතුරයන්ගේ දොස් දුරු කර, සෙත් කියමන් කියා, කහ දියර ඉස ශාන්තිකර්මය නිමාවේ.

Erawwala gammaduwa #garayaka #Mask or Devil Dance #ගරායකා #gammaduwa #Sri Lanka Gara Yaka තුන්දා ගී මඩු මංගල්‍යය #EightGara #YakaDance