Скачать или смотреть திருப்போரூர் ஸ்ரீ கந்தசுவாமி கோயில் மாசி மாத பிரமோற்சவம் வாகனஉற்சவம்/Thirupporur Murugan Temple 2021

மாசி மாத பிரமோற்சவம் வாகன உற்சவம்- 20- 02 -2021

திருப்போரூர் திருக்கோயில் வரலாறு:

தொண்டை நாட்டில் அமையப்பெற்றுள்ள, திருப்போரூர் எனும் தொன்மையான, இத்தலம் அறுபடை வீடுகளுக்கு ஒப்பான புகழ்பெற்றுள்ள திருத்தலமாகும்.

முருகப்பெருமான் அசுரர்களை எதிர்த்து கடலிலே போர் புரித்த இடம் திருச்செந்தூர். நிலத்திலே போர் புரித்த இடம் திருப்பரங்குன்றம், விண்ணிலே போர் புரித்த இடம் திருப்போரூர்.

சமராபுரி, போரியூர், செருவுர், போரிநகர், சமரப்பதி எனப் பல பெயர்களால் குறிப்பிடப்பட்டுள்ளது.கலியுகத்தில் ஆறுமுறை கடல் கோல் (சுனாமி) மூலம் அழியப்பெற்ற திருப்போரூர் எனும் இத்தலம் நான்கு யுகங்களாக இருக்ககூடிய திருத்தலமாகும். யுத்தப்புரி, தாரகபுரி, சமராபுரி என்றுஅழைக்கப்பட்ட இத்தலம் கலியுகத்தில் திருப்போரூர் அழைக்கப்படுகிறது.

17-ம் நூற்றாண்டின் முற்பகுதியில், மதுரை மீனாட்சியம்மன் அருள்பெற்ற தவத்திரு ஸ்ரீமத் சிதம்பர சுவாமிகள், பனங்காடாய் கிடந்த இப்பகுதில் ஒரு பெண் பனை மரத்தடியில் சுயம்பு வடிவில் கண்டு இத்திருகோயிலை நிர்மாணித்தார். இத்திருக்கோயிலின் அருகிலேயே இருந்த வள்ளையார் ஓடையை திருக்குளமாகத் திருத்தம் செய்துகொடுத்தார். இக்குளம் வற்றாத பெருமையுடையது.

இத்திருகோயில் ஓம் கார வடிவம் கொண்டது. எல்லாத் திருகோயிலிலும் சுவாமிக்கு நேர் எதிரே வாகனம் அமையப்பெற்றிக்கும். இங்கு இறைவனிடத்தில் இருந்து நேராக வாகனமும், வாகனத்திலிருந்து இறைவனும் தெரியமாட்டார். காரணம் ஓம் கார வடிவம். ஓம் காரத்தின் புள்ளியே வட்ட மண்டபமாகும்.

மேலும் முருகப்பெருமான் தன் தந்தையான சிவபெருமானுக்கு பிரணவ உபதேசம் நிகழ்த்திய திருத்தலம் சுவாமி மலை. இரண்டாவதாக அகத்தியருக்கு பிரணவ உபதேசம் நிகழ்த்திய திருத்தலம் திருப்போரூர். மூன்றாவதாக அருணகிரி நாதருக்கு பிரணவ உபதேசம் நிகழ்த்திய திருத்தலம் திருவண்ணாமலையாகும்.

அருள்மிகு கந்தசுவாமி, வள்ளி, தெய்வயானை மூலவர்கள் மூவரும் சுயம்பு வடிவினர், செதுக்காத திருமேனியராய் முருகப்பெருமான் இங்கு எழுந்தருளியிப்பது தனிச்சிறப்புடையதாகும். மூலவருக்கு இன்றும் அபிஷேகம் எதுவும் நடைபெறுவதில்லை. புனுகுச்சட்டம் மட்டுமே சாற்றப்படுகிறது.

ஸ்ரீமத் சிதம்பர சுவாமிகள் அருகில் உள்ள கண்ணுவப் பேட்டையில் ஒரு புதிய திருமடம் அமைத்து திருப்போரூர் அருள்மிகு கந்தசுவாமி திருக்கோயில் பூஜைகளை பரிபாலனம் செய்து வந்தார்.

கற்கோயில் திருப்பணி முடித்த தவத்திரு ஸ்ரீமத் சிதம்பர சுவாமிகள் திருப்போரூர் சந்நிதி முறை என்று அழைக்கப்படும் 726 திருப்பாடல்களை அருள்மிகு கந்தசுவாமி பெருமான் மீது பாடியுள்ளார்.

பழைய மாமல்லபுரம் சாலையில் கேளம்பாக்கதிலிருந்து 8 கிலோமீட்டர் தூரத்திலிலும், திருக்கழுகுன்றம், செங்கல்பட்டு, கல்பாக்கம், மாமல்லபுரம் முதலிய இடங்களிலிருந்து சுமார்
14 கிலோமீட்டர் தூரத்தில் திருப்போரூர் அமைந்துள்ளது.