Скачать или смотреть Sun’iy intellektga qiziqayotgan iqtidorli talaba-qizlar haqida maxsus lavha

#IlmFan #TaʼlimdaAyollar#UrDU

Abu Rayhon Beruniy nomidagi Urganch davlat universitetida tahsil olayotgan talaba-qizlarning ilmiy salohiyati va ta’limdagi yutuqlari keng jamoatchilik e’tiborini qozonmoqda. Ana shunday iqtidorli yoshlarning faoliyati haqida Xorazm telekanali orqali maxsus lavha efirga uzatildi.

Lavhada universitetning Fizika-matematika fakulteti Amaliy matematika yo‘nalishi 234-guruh 3-bosqich talabasi Anaxon Atamuratovaning sun’iy intellekt yordamida ishlab chiqqan innovatsion loyihasi haqida so‘z yuritildi. Yosh tadqiqotchining mazkur ishlanmasi zamonaviy texnologiyalarni o‘rganish va ularni amaliyotga tatbiq etish borasida talaba-yoshlarimiz salohiyati tobora ortib borayotganini yana bir bor namoyon etdi.

Shuningdek, lavhada Davlatimiz rahbarining tegishli qaroriga muvofiq 50 foizlik grant asosida tahsil olayotgan Shahzoda Nusraddinova intervyusi efirga uzatildi.

Ko‘rsatuv davomida talaba-qizlarning sun’iy intellektning bugungi kundagi ahamiyati, uning ta’lim va kelajak kasblaridagi o‘rni haqidagi fikr-mulohazalari ham o‘rin oldi.