Скачать или смотреть ကြက်သွန်ဖြူပုစွန်ပါစတာအစပ်

ကြက်သွန်ဖြူပုစွန်ပါစတာအစပ်
ပါဝင်ပစ္စည်းများ
ပုစွန် - ၅ ကောင် (သန့်စင်ထားပါ)
ခရမ်းချဉ်သီး - ၅ လုံး
ထောပတ် - ၂၀ ဂရမ်
ကြက်သွန်ဖြူကြီး - ၆ မြွှာ (နုပ်နုပ်စဉ်း)
ပင်စိမ်း - ၅ ဂရမ်
ဆား - လက်ဖက်ရည်ဇွန်း ၁ ဇွန်း (ခေါက်ဆွဲပြုတ်ရန်)
ဆီ - အနည်းငယ် (ခေါက်ဆွဲပြုတ်ရန်)
ပါစတာ - ၂၀၀ ဂရမ် (ခေါက်ဆွဲပြုတ်ရန်)
ထောပတ် - ၂၀ ဂရမ်
ကြက်သွန်ဖြူကြီး - ၆ မြွှာ(နုပ်နုပ်စဉ်း)
ပင်စိမ်း - ၅ ဂရမ် (နုပ်နုပ်စဉ်း)
ငရုတ်သီးအကြမ်းဖတ် - ၂၀ ဂရမ်
ငရုတ်သီးအစိမ်းမှုန့် - လက်ဖက်ရည်ဇွန်း ၁ ဇွန်း
စမုန်ဖြူ - လက်ဖက်ရည်ဇွန်း ၁ ဇွန်း
အော်ရီဂါနို - စားပွဲဇွန်း ၁ ဇွန်း
ခရမ်းချဉ်သီးအနှစ် - ၂၀ ဂရမ်
ရေ - ၁၀၀ မီလီလီတာ
ပြုလုပ်နည်း
ဦးစွာ ခရမ်းချဉ်သီး ထိပ်ပိုင်းလေးများကို ဓားရာပေးပြီး ပြုတ်ပါ။ ပြုတ်ပြီးရလာတဲ့ ခရမ်းချဉ်သီးများကို နုပ်နုပ်စဉ်းထားပါ။
ပုစွန်ချက်ရန် ဒယ်အိုးထဲ ထောပတ် ထည့်ပြီး အပူပေးပါ။ ထောပတ်ပျော်လာပြီဆိုလျှင် ကြက်သွန်ဖြူထည့်ပြီး ဆီသတ်ပါ။ ပင်စိမ်း ထည့်ပါ။ ပုစွန်ထည့် မွှေပါ။ ပုစွန်ချက်ပြီဆိုလျှင် ရပါပြီ။
ပါစတာခေါက်ဆွဲပြုတ်ရန် ရေနွေးဆူဆူအိုးထဲ ဆား၊ ဆီ၊ ပါစတာတို့ ထည့်ပြီး ပြုတ်ပါ။ ပါစတာခေါက်ဆွဲ ရပြီဆိုလျှင် ဆယ်ပြီး ဆန်ခါဖြင့် ရေစစ်ထားပါ။
ပါစတာအစပ်ချက်ရန် ဒယ်အိုးထဲ ထောပတ်ထည့်ပြီး အပူပေးပါ။ ထောပတ်ပျော်လာပြီဆိုလျှင် ကြက်သွန်ဖြူ၊ ပင်စိမ်း ထည့်ပြီး ဆီသတ်ပါ။ အနံ့မွှေးလာရင် ငရုတ်သီးအကြမ်းဖတ်၊ ငရုတ်သီးအစိမ်းမှုန့်၊ ပြုတ်ထားပြီး နုပ်နုပ်စဉ်းထားသော ခရမ်းချဉ်သီးတို့ကို ထည့်မွှေပါ။ ပြီးလျှင် စမုန်ဖြူ၊ အော်ရီဂါနို၊ ခရမ်းချဉ်သီးအနှစ် တို့ထည့်ပြီး သမအောင် ရောမွှေပါ။ ရေ ထည့်ပါ။ ဆူလာရင် ချက်ထားတဲ့ ပုစွန်များ ထည့်မွှေပါ။ ပြုတ်ထားတဲ့ ပါစတာခေါက်ဆွဲထည့်ပြီး နှံ့စပ်အောင် ရောမွှေပါ။ ပြီးလျှင် မိုဇွဲလားချိစ်များ ထည့်မွှေပါ။ အရသာအနေတော်ရပြီဆိုလျှင် အိုးချလို့ ရပါပြီ။

#Taste_Window_Food_Magazine
#Half_Potato_Food_Television
#ကြက်သွန်ဖြူပုစွန်ပါစတာအစပ်
#ဟင်းချက်နည်းများ