Sovet Həkimi Neumıvakin - Bütün Göbələklər Yoxa Çıxacaq

#BirBax #Azerbaycan #göbələk
Dünya əhalisinin, təxminən, 20%-i dırnaq və dəri göbələklərindən əziyyət çəkir. Bu problem təkcə kosmetik deyil. Göbələk immunitet sisteminə və bədənin ümumi vəziyyətinə mənfi təsir göstərir. Bu gün sizə məşhur Sovet həkimi İvan Pavloviç Neumıvakinin göbələyin müalicəsi üçün təklif etdiyi üsullar barədə danışacam. Neumıvakinin ən təsirli hesab etdiyi vasitələr çox ucuzdur və hər bir evdə tapıla bilər.Əminəm ki bu videodan sonra çox insan mənə çox sağ olun deyəcək. Diqqət ekrana.
Neumıvakin göbələk haqqında nə düşünüb?
Neumıvakin dermatitə, eqzemaya və ya dəri/dırnaq göbələyinə zəifləmiş immunitetin və turşu-qələvi balansının pozulmasının nəticəsi kimi yanaşırdı. Bədəndə mühit turşulaşırsa müxtəlif göbələk növlərinin inkişafı üçün şərait yaranır. Güclü immunitet göbələyin irəliləməsinin qarşısını alır.
Neumıvakin bildirirdi ki, bir çox göbələk növləri karbohidratlarla qidalanırlar. Buna görə də, şirniyyat, keks kimi karbohidratlarla doymuş qidalar göbələk xəstəliyinin irəliləməsinə kömək edir. Bunu tibb elmi də dəstəkləyir. Ancaq Neumıvakin göbələyi bahalı məlhəmlər və yan təsirləri olan həblərlə müalicə etməyi təklif etmirdi.
Ümumi sağalma.
İmmuniteti gücləndirmək üçün Neumıvakin üç sahəyə diqqət yetirməyi tövsiyə edirdi:
Qidalanma. O, yeməkdə təkcə karbohidratların miqdarını deyil, həm də, ət məhsullarını azaltmağı, yüksək keyfiyyətli təbii bitki-tərəvəz mənşəli qidalar yeməyi məsləhət görürdü. Sağlam qidalanma bütün hüceyrələrimizi lazımi vitaminlərlə təmin edir.
Hərəkət. Neumıvakin daimi fiziki aktivliyə-gəzintiyə, idmana və həddindən artıq yüklənmə olmadan istənilən mümkün fiziki fəaliyyətə ehtiyac olduğunu qeyd edirdi. Onun sözlərinə görə, bu cür aktivlik imkan verir ki, orqanizm gücünü saxlasın və xəstəliklərə qarşı müqavimət göstərsin.
Bədənin turşu-qələvi balansının və hüceyrə səviyyəsindəki proseslərin tənzimlənməsi. Bunun üçün Neumıvakin qida sodası və hidrogen peroksiddən istifadə etməyi məsləhət görürdü. Hidrogen peroksid və soda hər hansı infeksiyanın, o cümlədən, göbələklərin inkişafının qarşısını almaqla yanaşı, yerli istifadə üçün əla antiseptiklərdir. Onların daxilə qəbulu ilə bağlı mübahisələr var, düzdür. Lakin mövcud olan dırnaq göbələkləri ilə mübarizə üçün xaricə tətbiq edilən effektiv vasitələrdir.
Qida sodası göbələkdən, həmçinin, həddindən artıq tərləmə və dəridə bakteriyaların yığılması nəticəsində ayaqlarda yaranan xoşagəlməz qoxudan xilas olmağa kömək edir. Həkimlər Sodanın, xüsusilə, kandidozların öhdəsindən gələ bildiyinə inanılır.
Müalicə belə aparılır:
Müalicəyə başlamazdan əvvəl, ayaqları antiseptik xüsusiyyətlərə malik 72%-lik qarayağlı sabun ilə yaxşıca yumaq lazımdır. Bu, göbələk nəticəsində zədələnən dırnaqları sonrakı müalicə üçün hazırlamağa kömək edəcək. 1 litr isti su ilə 1 çay qaşığı sodanı qarışdırın. Suyun temperaturu qaynar olmamalıdır. Ayaqlarınızı sodalı vannada 20 dəqiqə saxlayın. Prosedurdan sonra yumşalan dırnağın zədəli hissələrini diqqətlə kəsin. Ayaqlarınızı yumşaq bir dəsmal ilə qurudun. Sonra hidrogen peroksid ilə vanna edin. Soda və peroksidin birləşməsi göbələyin müalicəsində maksimum effekt əldə etməyə imkan verir. Vanna zamanı çalışın ki, qaynar su göbələkdən zədələnən dırnaqları və dəri sahələrini əhatə etsin.
Daha sonra 1 litr suya 100 ml hidrogen peroksid əlavə edin. Ayaqlarınızı bu vannada 20 dəqiqə saxlayın. Su soyuq olarsa, göstərilən müddət bitənə qədər lazım olan temperaturda qalması üçün isti su əlavə edin. Prosedurun sonunda dırnaqların yumşaq hissələrini kəsin. Hər gün axşamlar soda və peroksid vannalarını təkrarlayın.Soda dərini qurudursa, hamamdan sonra ayaqlarınıza nəmləndirici krem sürtün.
Göbələk hələ bütün dırnaqlara yayılmayıbsa, ancaq 1-2 barmaqdadırsa, hidrogen peroksid ilə kompres edə bilərsiniz. Bunun üçün tənzifi 3%-li hidrogen peroksid məhlulunda isladın və zədələnmiş dırnağa qoyun. Xəstə dırnağı tamamilə örtməyə çalışın. Kompresi bandaj və ya plastrla sabitləşdirin. Kompresi əl dırnaqlarında 15-20 dəqiqəyə qədər, ayaqlarda isə 30-35 dəqiqəyə qədər saxlamaq lazımdır. Kompresdən sonra dırnaqları quruması üçün 40 dəqiqə açıq havada saxlayın.