Скачать или смотреть سيح اليمامه - خالد ال بريك ( جديد ) 2025 | وضعي البارح لا جيت الصدق متلخبط نظامه

سيح اليمامه

شيلة مهداه الى:
ريان بن عبدالله ال عمار

كلمات الشاعر :
احمد بن سلطان ال عمار

اداء المنشد:
خالد ال بريك

اشترك في منصة بصمة الإبداع الإعلامية وفعّل جرس التنبيه للوصول إلى أحدث الاصدارات الفنية:
   / @basmhalebda3  

للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ

راكب اللي ، ويا وجودي ، وباديٍ راس العدامه
ذي مطالع ما تودي من يبي الابداع ديره

ودك الشاعر مثل تثمينة العاقل كلامه
يتعب لـ تثمينة ابداع الطواريق الغزيره

وكان مالي بين قامة ربعي ( آل عمار ) قامه
دورو بدال ابو سلطان ، ابو سلطان غيره

شاعرٍ ما تشهره يمناه .. تكسيه الملامه
وماني اللي فـ العرب متساويٍ شره و خيره

والرجل لا صار ماله لا شداد ولا مسامه !
يستريح ولا يداحم بـ اسمه الاسما الشهيره

والحقيقة كثرة الحساد للناجح علامه
واحمد الله لي من الحساد الاعداد الكثيره

والوعي ماعاد ندري وين نوره من ظلامه
والخلاصة كل شيٍ ينكتب للعبد خيره

ليت يُكتب فوق جبهة كل متردي هلامه
ونعرفه لا اقبل ولا نحتاج نبحث في السريره

كان يسلم كل طيب من الاذيه و الندامه
في علاقاتٍ يحسب انها طوال وهي قصيره

الردي ما عاد خلا حاجةٍ لـ ام اللثامه
غير ثوبه الابيض اللي ما هو يشابه ضميره

تسبر عيونه على الزله مثل زرقا اليمامه
وتنعمي لا طرو جزال العلوم المستنيره

والتجارب والله انها فوق خد العرف شامه
وكل رجلٍ من مسير اللي معه يُعرف مسيره

ولا انا اللي ما يخاف الله ما يجذبني اهتمامه
لو معه منقية الفصام والحاكم بعيره

وانت يا راعي معروفٍ قلتها خلفه وامامه
دايم الطيب يشوف ان راعي المعروف اسيره

وضعي البارح لا جيت الصدق متلخبط نظامه
ماعرفت النوم حتى ساعة الليل الاخيره

لين جا طاريك يا غيثٍ ملا بطن الغمامه
ما هو بـ طاري عشيرٍ ذكّره طاري عشيره

انت مثل العود الازرق شاع من نجد لـ تهامه
يطبّخ ويفوح ريحه .. طيب راس وطيب سيره

منت رجل اعمال .. ولا تلبس بشوت الزعامه
وتفعل اللي يفعلون .. وما يديرونه .. تديره

فيك من عمر الثبات ومن بوبكر الاستقامه
ما مشيت الدرب الاعوج لو تهيا لك مسيره

ويرفع الله من يميز في حلاله من حرامه
والحرام الله ما يرفع صاحبه ولا شويره

وانت ريان ابن عبدالله ما تلحقك الرخامه
ومجلسك يفرح الا من جوه الافواج الغفيره

تفدع ابه الضان واللي بان نبته في سنامه
وكنك ابن مهيد لا صوّت على الضيف وقصيره

كل صبح وكل ليله من كرامه في كرامه
وذا يبي وجهك ، وذا صكت عليه المستديره

وذا همومه ما تخليه يتهنى في منامه
اقبلت مثل الجبال وعودت حبة شعيره

يا ولد عبدالله اللي بـ المروه والشهامه
جاهل ربوعه يطيعه و المعرّف يستشيره

ويا حفيد الشايب اللي جعل في الجنة عظامه
ابلجٍ ما يبلش بحل المواقيف العسيره

ذاك ابن مشنان ما ينطحه لباس العمامه
تتسع له روضة الافلاج غصب بدون جيره

وحظنا انْك ( مباركيٍ ) شجرة عمامي عمامه
دون اسم ( عمار ) فـ الطالات ما تذخر ذخير

( وآل عمار ) اسمنا بدايته بـ آل الفخامه
وآخره حرفٍ مثل حدب المراهيف الشطيره

حن هل الجدعا مثل موجٍ على الاعدا التطامه
وحن هل الجوخ الحمر واهل المواقيف الكبيره

ما يحد الذيب الاسحم جوع في ( سيح اليمامه )
ولا على عقاب الخلا من كل ( عماري ) قصيره

من يدور حربنا .. قفا يدور للسلامه
ولا يداني صوت طبل المعركة لا دق زيره

ومن يدور ضفنا .. يمسي على فراش الكرامه
لو ما عنده في الحجاز ونجد ربع ولا عشيره

يشهد اللي وسط الافلاج العصر بلغ سلامه
وتشهد الاعدا صباح السيح والخيل المغيره

احسنيةٍ زايديه .. هامةٍ من فوق هامه
تحتمي دون الغرايس والمجاهيم النظيره

للدخيل وللقصير الحد من شرقه وشامه
والعصاة موسمه وتورّد الضميان بيره

والدواسر يظهر الدجال وتقوم القيامه
ومجدهم تمشي به الركبان في شبه الجزيره