Скачать или смотреть አስቴር: የእግዚአብሔር ማዳን //እንዳሻው ነጋሽ// Esther: the saving acts of God// Endashaw Negash

የአስቴር መጽሐፍ የእግዚአብሔር ስም ያልተጠቀሰበት ነገር ግን ሥራው በኋይል የተገለጠበት መጽሐፍ ነው። የመጽሐፉ ታሪክ የተፈጸመው በመጀመሪያው ዙር ከምርኮ ተመላሾች እና በሁለተኛው ዙር ከምርኮ ተመላሾች መካከል ነው። የታሪኩ ማእከላዊ ትኩረት የእግዚአብሔር ማዳን ነው። መርዶክያስ ለሐማን አክብሮት ባለመስጠቱ (ባለመስገዱ) አዳር በተባለው በአሥራ ሁለተኛ ወር፣ በአሥራ ሦስተኛ ቀን የአይሁድን ሕዝብ ሁሉ ለማጥፋት ደብዳቤ ተጽፎ ቢበተንም እግዚአብሔር ጣልቃ በመግባቱ ነገሩ ተገልብጦ ያ ዕለት የደስታ ቀን ሆነ፤ የፉሪም በዓል ጅማሬ ሆነ። በመርዶክዮስና በሐማን መካከል የነበረው ግጭት በሁለት ሰዎች መካከል ከሚከሰት ግጭት ያለፈ ነው። ሐማን አማሌቃዊ ነው፤ አማሌቃውያን ደግሞ የእስራኤል ሕዝብ ከግብፅ ባርነት ነጻ በወጡ ጊዜ በመንገዶቻቸው ላይ ቆመው በመቋቋማቸው እግዚአብሔር ስለ እነርሱ የተናገረው ነገር እና ሙሴ ስለዚህ ሕዝብ ለኢያሱ የሰጠው መመሪያ በኦሪት መጻሕፍት ተመዝግቧል። የመጀመሪያው የእስራኤል ንጉሥ የነበረው ሳዖልም ይህን ሕዝብ እንዲያጠፋ ትእዛዝ ቢሰጠውም ሙሉ በሙሉ አልፈጸመውም። በግምት ከ500 ዓመታት በኋላ ከቢንያም ወገን በሆነው በመርዶክዮስ እግዚአብሔር አስቀድሞ የተናገረውን ወደ ፍጻሜ ለማምጣት እንደ ተነሣ ይህ ታሪክ ያሳያል። የሐማን ጥረት በእግዚአብሔር የማዳን ታሪክ ላይ የተቃጣ የጥፋት ጥረት ነው። የእግዚአብሔር ዕቅድ በማንም አይቀለበስም። ሞትን የደገሰው ሞተ፣ የተጨነቀችው ከተማ እልል አለች፣ ለማጥፋት ሲዘጋጁ ከነበሩት ውስጥ አንዳንዶች ወደ አይሁድነት ተቀየሩ፣ ሞት የተደገሰለት ሕዝብ ስጦታ ሲለዋወጥ እና በዓል ሲያከብር ዋለ፤ ነገሩ ተገለበጠ!! ይህን ቪድዮ በመመልከት የመጽሐፉን ትኩረት መረዳት ይቻላል።