Zistwar Nou Ti Zil (Clip) - Dagger Killa

SEGA RAGGA FROM MAURITIUS

Parole :
1598 bane hollandais
Ti debarké labas dan sud-est
Dé suite zotte inn trouver ki sa l'ile la
Sé éne place ki rempli are risess
1638 zotte revini pou investi,
Weh pou tire profit
Coupe di bois ébène pou exporté
Dan batavia et dan zotte pays
Zotte ti batizz l'ile la mauritius dapré nom
Zotte Prince ki ti appel Maurice Van Nassau
zotte pren l'ile la couma zotte téritoir
Sé poursa zotte ti monte zot baz dan Grand Port
Lagrikitir zotte ti pé fer pou gagne résource alimentaire
Oui la natir pas ti dan zotte faver
zotte finn abandonn li l'an 1710

Zistoir nou ti zil si nou néglizer nou pou blier
Zistoir nou ti zil sa nou tou bizin conné
Li bon pou nou destiné (2x)

En 17ème siècle mem bane français ti vini
Lor 15ème l'année zotte ti debarké ici
Pou devélopmen pou fer coloni
Zotte ti appel li la iles de France
Ti dérazinn zom fam labas dan l'Afrik
Présizémen la bas dan Mozembik
Madagascar ti pren zotte ti vini
Pou vinn travail san récompense weh
Avek séverité ki fer esclavaz obéyir
Pou kiltiv la terr ici mo frer
Pou lamélioration agrikol weh
Poui zil de France progresser weh
Ti contrir simé ti constrir lopital sivil
Ki nou encore trouver zordi zour en ville
Sa to rédir plizir monimen capav témoin

Zistoir nou ti zil si nou néglizer nou pou blier
Zistoir nou ti zil sa nou tou bizin conné
Li bon pou nou destiné (2x)

L'ile de France ti attaké par bane anglais
Batail dan Grand Port en 1810
Boukou bato coulé dan la mer sud-est
Mizé Mahébourg capav témoinyer
Dan le nord Cap-Maleureux
Bane lot soldat anglais ti vini
Ti dessan pou vinn dan secter Port-Louis
Zotte rési captir l'île la Réunion l'île Maurice en 1815
Lerla mem program labolition l'esclavaz pé briyé 1835
En mem temps pou vinn travail ici
Zotte ti pren labourer dépi dan l'inde
1886 premier élection
1968 l'indépendance
Apres sa date la tou sé kinn né ici
Li appel zanfan pays moris

Zistoir nou ti zil si nou néglizer nou pou blier
Zistoir nou ti zil sa nou tou bizin conné
Li bon pou nou destiné (2x)