Скачать или смотреть المفارق | كلمات : فلاح بن ذروه - اداء : عبدالعزيز الحبلين

الكلمات :

كني اشوف المفارق في سما الواقع يلوح
وقبل اشوفه والحزن والضيق في صدري بدا
احسب اني بالمفارق قاوي وقلبي سموح
واثرني ماني ب قاوي صدك ومالي جدا
وكان ودك تسحب أوراقك من القلب وتروح
روح.. ولكن اذكر ان الطيب أخير من الردى
كم تحملت المصايب لجلك وقلبي نصوح
وانت تدري بالضمير أطهر من الما والندى
لاتهمك نبرة أشعاري ليا قامت تنوح
ولاتشيل الصوت مع حزني ليا منه شدا
صبلي بشرب من دلال الجروح اللي تفوح
شاربٍ مر الليالي مير جرحك ماهدا
ازهل الجرح الكبير ولايهمك كل بوح
كل ما أنسى ذكرياتك قالت أشعاري فدا
رغم جرحك بانيٍ حبك من أبراج وصروح
وماني بميت لو أنها راحت سنيني سدا
مَ انت معصومٍ وانا ماني نبي الله نوح
اسال الله الثبات واسال الله الهدى
آه ياكره الغموض وآه ياجرح الوضوح
بقصر الدعوه عليك وينقصر طول المدى
استعد لكل دمعة حزن تاليها نزوح
غيبةٍ واحنا عزاز أخير من وصل وعدا
الغريب انك على فرقا محبتنا لحوح
والغريب ان قلبي بغيابك تقاوا واهتدى
ايه مسموح بغيابك لابغيت تروح .. روح
دامك انت اللي نويت بقلب الاوراق وبدا
كل يوم تزيد فيني حزن والام وجروح
ولي متى وانا أقول: الطيب أخير من الردى