Скачать или смотреть Manipur me rehabilitation maangne waalon par chhoda gaya tear gas. VOAINDIA

Manipur ke Imphal east district mein displace huye logo aur security forces ke beech mein clashes ho gayi. Ye clash tab hui jab state police ne protest kar rahe logo ko titar-bitar karne ke liye un par aansu gas ke gole chalaye, jiske baad violence shuru ho gayi. Protest kar rahe log Moreh aur Churachandpur se displace hue log hain. Proteters Manipur mein ethnic violence ke baad mamle ka hal aur rehabilitation maang rahe hain. Jab security forces ne protest roka to takraav shuru ho gaya. Rally ke dauran kuchh protesters ghayal bhi ho gaye. Ek journalist is dauran ghaayal ho gaya aur use private hospital le jaya gaya, is ilaake mein ek school ke students bhi achanak hui violence se affect hue.
AMWJU (All Manipur Working Journalists' Union) aur EGM (Editors' Guild Manipur) ke members ne Manipur ke Chief Minister N Biren ko ek memorandum bhi diya, jismein ek local channel ke reporter par hamla karne wale police officers ke khilaft turant action lene ki maang ki gayi, members ne kaha ki 48 ghante mein action liya jaaye.

#Manipur #ManipurViralVideo #VoAIndia #manipurprotest#VOAINDIA #VOA INDIA