Скачать или смотреть ASKOFU ASIMULIA MARA YA MWISHO AKIWA NA MASISTA KABLA YA KUFARIKI 'NILIKULA NAO, NA KUKUMBATIANA'

Askofu wa Jimbo Katoliki la Musoma, Michael Msonganzila amesimulia kumbukumbu yake ya mwisho alivyokutana, kula na kukumbatiana na masista wanne wa Shirika la Wakarmeli Wamisionari wa Mtakatifu Theresia wa Mtoto Yesu Duniani, kabla ya ajali iliyochukua uhai wao.

Masista hao, Lilian Kapongo, Neria De Simeone, Damaris Mbinya, Stellamaris Muthini na dereva wao, Boniphace Msonola walifariki dunia Septemba 15, 2025 katika ajali ya gari walilokuwa wamepanda kugongana uso kwa uso na lori katika Kijiji cha Bukumbi wilayani Misungwi, Mwanza.

Miili ya masista watatu, Lilian Kapongo, Damaris Mbinya na Stellamaris Muthini pamoja na dereva, Boniphace Msonola imeagwa leo Septemba 18, 2025 katika Kanisa la Epifania Bugando jijini Mwanza.

Akiongoza ibada hiyo na kutoa salamu za rambirambi, Askofu Msonganzila amesema alikutana na masista hao Septemba 8, mwaka huu katika ukumbi wa St. Dominic jijini Mwanza na kula nao chakula cha pamoja.