Скачать или смотреть Sh.L.P Vitrina zhvillon seminar të hapur me Prof.Dr. Adem Tamo.

Me date 25 Janar 2012 u zhvillua në sallën 'Sami Frashëri' seminari i hapur ku ishte i ftuar Prof. Dr. Adem Tamo, i cili është një nga profesorët më në zë të psikologjisë klinike në Shqipëri, ish Dekan i Fakultetit të Shkencave Sociale dhe aktualisht Shef departamenti i Psikologjisë në Fakultetin e Shkencave Sociale.

Në fjalën e tij, ai prezantoi kontributin e tij afërsisht 30-vjeçar në fushën e psikologjisë dhe ka botuar një sërë librash në këtë fushë. Më pas, ai trajtoi neurozën në këndvështrimin e shkollës psikoanalitike si një ndër shkollat më të rëndësishme në historinë e psikologjisë. Teoria psikoanalitike ndikon shumë në konceptin e personalitetit dhe teknikat psikoterapeutike. Sigmund Frojd, si "babai" i psikoanalizës ka dhënë një kontribut të madh në psikologji me teorinë e tij.


Prof. Dr. Adem Tamo diskutoi rreth shkaqeve të neurozave, simptomave, pasojave si dhe trajtimin terapeutik. Ai parashtroi se tre elementët e neurozës janë:
dëshira, besimi dhe veprimi.


Seminari vijoi me një diskutim të hapur midis Prof.Dr. Adem Tamo dhe studentëve të Fakultetit të Shkencave të Edukimit, të cilët ishin dhe iniciatorët e këtij seminari.