Скачать или смотреть MRISHO NGASA ATUA MBINGA MAPOKEZI YAKE YATIKISA MJI.

Mchezaji maarufu wa soka, Mrisho Ngasa, amewasili wilayani Mbinga leo tarehe 30/01/2026 kwa ajili ya kuongoza uzinduzi wa mashindano ya Wailes Super Cup utakaofanyika kesho, Jumamosi tarehe 31/01/2026, katika kijiji cha Lukanzauti, kata ya Mapera, akiwa mgeni rasmi wa tukio hilo kubwa la michezo.

Mapokezi ya Ngasa yamekuwa ya kuvutia na yenye hamasa kubwa kutoka kwa wakazi na wadau wa michezo. Msafara wa kumpokea ulianza majira ya saa saba mchana katika eneo la Lusaka, Mbinga Mjini, ambapo pikipiki na magari mengi vilipamba msafara huo, hali iliyoonesha wazi ukubwa wa tukio hilo na heshima aliyopewa mgeni huyo.

Mapokezi hayo yaliongozwa na Mkurugenzi wa Wailes Outfit, Ndugu Frank Ndunguru, ambaye ameendelea kuwa mstari wa mbele katika maandalizi ya mashindano hayo yanayolenga kukuza vipaji vya vijana na kuhamasisha michezo katika jamii.

Ujio wa Mrisho Ngasa umeongeza hamasa kubwa kuelekea uzinduzi wa Wailes Super Cup, huku wadau wengi wakiamini uwepo wake utakuwa chachu ya mafanikio ya mashindano hayo yanayosubiriwa kwa hamu na mashabiki wa soka ndani na nje ya Mbinga.