Скачать или смотреть Mang Karding: Alamin kung paano makakakuha ng murang post harvest machines

Magandang Araw! Medyo matagal tagal din akong nawala. Dangan kasi ay naging abala ako nitong mga nakaraang buwan sa pagtatanim ng binhi. Sa kasamaang palad ay ilan sa aking mga panananim ay naapektuhan ng bagyong Mina. Ang laking perwisyo talaga ang idinulot ng nagdaang bagyo lalo na sa agrikultura ng bansa. Biruin niyo, mahigit isang bilyong piso ng mga pananim at imprastraktura ang sinalanta nito. Dahil sa mga sunud-sunod na bagyo sa bansa, kailangan talagang pagtibayin ang programa ukol sa crop insurance.

Sa kabilang banda naman, nabalitaan niyo na ba na mas madali ng makabili ngayon ng mga makinarya sa pagtatanim? Dahil sa Mechanization and Postharvest program ng Department of Agriculture ay 15% na lang ng buong halaga ng mga makina ang babayaran ng mga tulad naming magsasaka, ang natitirang 85% naman ay kakarguhin na ng DA.

Tunay nga namang napakaganda ng programang ito, hindi ba? Laking tulong at katipiran ito para sa amin, buti na lang at kasali kami ni Pareng Pepito sa kooperatiba dito sa aming nayon, mas malaki ang tsansa namin na makinabang sa programang ito.

Para sa karagdagang impormasyon ukol sa Mechanization and Postharvest program ng Department of Agriculture, mangyaring bisitahin ang aking blog sa Facebook.

O siya, hanggang sa muli, paalam!


Mang Karding's Blog on Facebook:   / 272558016095694