Скачать или смотреть Atentat në Kosovë, vritet Ukë Bytyçi kryetari i bashkisë së Suarekës - (27 Tetor 2002)

Lajme Arkiva - TV Klan 2002

Kryetari i bashkisë së Suarekës në Kosovë, Ukë Bytyçi është qëlluar për vdekje gjatë një atentati. Ukë Bytyçi përfaqësues i LDK-së është qëlluar nga persona ende të panjohur në makinë ku udhëtonte së bashku me dy shoqërues të tij edhe këta të fundit kanë mbetur të vdekur në vend, ndërsa vetë kryetari i rizgjedhur në postin e kryebashkiakut të Suarekës vdiq gjatë rrugës për në spitalin e Prizrenit.

Në kohën e atentatit sapo ishte marrë vesh, se Ukë Bytyçi kishte fituar një mandat të dytë si kryetar bashkie. Bytyçi ishte gjithashtu edhe kryetari i LDK për Suarekën. I menjëhershëm ka qenë reagimi i presidentit Ibrahim Rugova, i cili e ka dënuar vrasjen e tij, duke e quajtur një akt kriminal të krimit të organizuar me motive politike, një ditë pas përfundimit të suksesshëm të zgjedhjeve të dyta lokale të Kosovës së lirë.

Së bashku me ngushëllimet ndaj familjes Bytyçi, Rugova ka kërkuar, që autorët e këtij krimi makabër të sillen para drejtësisë. Presidenti i Kosovës e shpalli ditën e hënë 28 Tetor 2002, një ditë zie në të gjithë vendin. Përfaqësues të OSBE-së që po merren me monitorimin e zgjedhjeve dhe procesin e numërimit të votave thanë, se shpresojnë se ngjarja të mos ketë lidhje me rizgjedhjen e tij në krye të bashkisë së Suarekës./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/