Скачать или смотреть Khas Ul Khas Zikar Wazifa Hakeem Tariq Mehmood

خاص الخاص ذکر
اس دن میرے پاس ایک صاحب آئے مجھے کہنے لگے کہ آج مجھے خاص الخاص ذکردیں ، ایساخاص الخاص ذکردیں جوبہت کم لوگ کرتے ہوں۔ میں نے کہا میں تجھے خاص الخاص ذکردیتاہوں۔ میں نے کہا اس کے لیے مجھے روزانہ آدھاگھنٹہ چاہیے۔ اس نے کہامیں آپ کے پاس آجاؤں گا۔ میں نے کہا نہیں گھرمیں ہو، دُکان پہ ہو،سفرپہ ہو، جہاں بھی ہو، بس مجھے تنہائیوں کاآدھاگھنٹہ چاہیے اورمیں تجھے خاص الخاص ذکردیتاہوں اس نے کہاضروردیں۔
میں نے کہا جی چاہے تودونفل پڑھ لے اوراگردونفل پڑھنے کاوقت نہیں ہے تواپنے آپ کو بیٹھا کراللہ کے ساتھ اس کیفیت کے ساتھ مانگنا شروع کردے۔ میں نے کہاپہلے کیفیت سن ، کیفیت یہ ہے کہ ساری دنیاکومیرے رب نے دے دیاہے اورمیرے گناہ اتنے ہیں کہ اللہ پاک کہتاہے کہ میں نے تجھے نہیں دینا، تونے دنیاکے سب سے بڑے جرائم کیے ہے اوراب میراکوئی بچانہیں میراکوئی وارث نہیں۔اس کیفیت کے ساتھ اللہ کے سامنے ہاتھ پھیلاکر صرف رَبَّنَاآتِنَافِی الدُّنْیَا حَسَنَۃً وَفِی الآخِرَۃِ حَسَنَۃً وَقِنَا عَذَابَ النَّارِ
اس دُعاکوپڑھ اس کیفیت کے ساتھ ۔ مولا میری دنیا بہترکردے ، مولامیری آخرت بہترکر۔ اس کیفیت کے ساتھ پڑھ اورکیفیت کیاہو۔ ساری دنیابخشی گئی ساری دنیاکومل گیا۔ اورساری دنیانے پالیا اورایک واحدمیں ہوں جومحروم رہ گیا۔ اس کیفیت کے ساتھ ۔ میں نے کہا اس کیفیت کے ساتھ مانگ۔ اس نے کہا کیامانگوں ۔ میں نے کہا سب کچھ مانگ۔دنیاکی عزتیں، وقار، شان و شوکتیں، رزق، مال سب کچھ مانگ، پرمانگ اس کیفیت کے ساتھ۔